السلام عليكم يابنات
عاملين ايه
يارب تكونو بخير
انا جايه احكيلكو انا عملت ايه في ولادتي
انا والده بقالي اسبوع الحمد لله
يوم ما روحت اولد كان عندي حاله انكار
مكنتش حاسه اني هولد وم مستوعبه الموقف
لان دي اول ولاده ليا
اول ما روحت المستشفي كنت عماله اضحك واهزر مع الممرضات
وعماله اقول لماما واخواتي صوروني
ههههههههههههه
ودخلت القوضه وكنت صايمه من قبلها ب 8 ساعات
وكان في تلاجه في القوضه ونفسي اشرب بيبسي
المهم جت الممرضه علقتلي المحلول
وشويه وجت الدكتوره
وكشفت عليا
احنا كنا متفقين اني هولد قيصري
بس مع كده لقت الرحم مفتوح قيراطين
وانا مكنش عندي طلق خااااااااااااااالص
والا اي احساس بوجع والا مغص حتي
فقالتلي انتي كده فعلا لازم قيصري
لان معنديش طلق اصلا
ونزلت معاها سيرا علي الاقدام لحد قوضه العمليات
وكنت عماله اهزر بردو هههههههههه
واول ما دخلت العمليات
جالي الرعب كله وضغطي علا جداااااااااااااااااا
انا كنت متفقه معاها علي بنج كلي
لكن لما ضغطي علا قالتلي لا مينفعش
لازم نصفي الللي هو حقنه الضهر
بس بالامانه محستش بالم خالص وانا باخدها
لان الدكتور حطلي بنج موضعي
طبعا اترعبت اكتر
وطلبت من دكتور التخدير اني مسمعش اي حاجه
فاداني منوم في الكانيولا
وقد كااااااااااااااااان
نمت طبعااااااا
وصحيت والدكتوره بتخيط الجرح
قالولي سمعتي البيبي
قلتلهم لا
قالولي هي كويسه وخدوها يلبسوها
وانا كنت طالبه من الدكتوره تشيلي القسطره
ومطلعش بيها من العمليات
قلتلها انا هاجي علي نفسي واروح الحمام
لاني اسمع انها مؤلمه جدااااا لو اتشالت بعد البنج ما يروح
ثواني وهاجي اكملكم بعد مالبنج راااااااااااح
love_rose love_rose فتكات رائعة Fatakat 222182 alex – في قلب حبيبي