السلام عليكم ورحمه الله وبركاته
بكتب الموضوع ده لوجه الله واحياء لسنه النبي عليه الصلاه والسلام
الحمدلله انا مكنتش كلبوظه اوي يعني انا كنت بس عايزه اضبط الشكل العام بس كنت عايزه نظام كويس ويديني كل العناصر الغذائيه المتاحه وبالنسبه ليا الاكل ده متعه ربنا بعتهالنا فمكنتش احب اتقيدبنظام دايت او غذائي صارم خصوصا بشوف انظمه مش متاحه او الاكل اللي فيها اوفر فكنت بكبر دماغي لغايه ماتوكلت علي الله ولقيت نظام اللقيمات وكنت بسمع عنه كتير بس مكنتش فهماه كويس لغايه
مابدات ادور علي النت كويس واقرا في كذا موقع واحاول افهمه كويس ومكدبش برضه كان فيه نقط بنساها او الكلام فيها كتير بس عقدت العزم واللي شجعني حاجات كتير
اولا سنه عن النبي صلي الله عليه وسلم يعني هاخد اجر والمعروف ان الرسول مكنش عنده بطن ودي في وصف هيئته
تانيا انا هاكل كل اللي انا عايزه بدون تقيد بنوع معين
تالتا اللي هينزل الدهون بس غير انظمه الدايت التانيه اللي بتفقد الجسم الميه والاملاح
رابعا الوزن اللي هينزل مش هيرجع تاني او لو رجع هيبقي ببطئ
و كنت بدخل اسال اللي مش فاهماه ومشتركه فجروب تاتا تاتا بالقيمات
اكلمت كتير صح انا بدات اللقيمات يوم 21 10 2024
خسيت فاربع شهور عشره كيلو ممكن ناس تشوفه قليل بس كل واحده بتختلف عن التانيه يعني انا الحمدلله لسه حاجه بسيطه جدا وابقي المثالي بتاعي وممكن مكنتش اخس اساس يعني اللي نزل الدهون بس والاوزان الكبيره بتنزل بسرعه انا نزلت فاول اسبوع اربعه كيلو وفيه وقت فيه ثبات وده كويس علشان الجلدمايترهلش وده بيصغرالمعده طبيعي وعلي فكره انا مكنتش ملتزمه بيه بحذافيره كنت بلخبط ساعات بس برجع اكمل عادي بس اللخبطه مش علشان انا عايزه الخبط بس علشان ممكن اكل هيبوظ حاجات كده بس ميزه اللقيمات انك لواكل قدامك ممكن تتحكمي في نفسك وتبقي شبعانه اسمه الرضا الؤجل وبعدين فيه شيكولاته
علي فكره كمان فالمنتدي وفمواقع لودورتم هتلاقوا كتيررر متبعينه وخسوا اكتر من كده
ولوعايزين النظام في موضوع عن تجربه اخت فاكره يابلدي خست عشرين كيلو وشرحه النظام لو حد يجيب الرابط ياريت علشان بكتب موبايل ولما تقراوه تعالو تاني علشان فيه تعديل علي بعض الحاجات
يعني الفول السوداني فالنظام الجديد بعدالاكل بعشر دقايق مش ثبله
وخطا املائي نظام الصيام تلات كوبايات سوائل مش كوبايه
والمحشي (مشكله كان السبب فاللخبطه) بيتعاير بالكوبايه افضل لان في بيحددوا بالعدد بس فيه ناس بتعمل صةباع كبير وناس صةباع صغير فالتليفزيون شفت ناس بيعملوا الورقه كامله ههههههه
ده التعقيب علي النظام فموضوع الاخت فاكره يابلدي ولو اي سؤال انا فالخدمه وعلي فكره الدكتور محمد الهاشمي بيبقي موجود وساعات بيتابع الجروبات واللي محتاج استفسار بيبقي فصفحته عالفيس
وبرضه اقول لو لخبطتي معدتك هتعقبك بمغص بس ده بعد ماتخدي علي النظام الحل ايه بقي نوقف اكل لا طبعا
التزمي بالنظام وده اجتهاد مني وتجربه حل كلي كل ساعتين لاربعه حاجه بسيطه ثمره فاكهه او خضار او اشربي حاجه بلاش افتري وانتي تعبانه ده هيسرع انك تبقي كويسه لان هضمك هيبقي شغال فهترتاحي بسرعه اكبر اسال مجرب
يارب يكون حد استفاد ولوافتكرت حاجه هجي ولو حد عنده سؤال انا في الخدمه ولو في حد عامل لقيمات يقول تجربته وماشاء الله المنتدي مليان باصحاب اللقيمات
وحبيت اقول اني كنت لسه والده وكان اقل حاجه تتعب معدتي بجد يكفي اني ارتحت فالنظام ده وحتي لومخستش فانا همشي عليه طول حياتي ان شاء الله والحكمه انك تدمجيه مع نظام حياتك براحتك انتي بدون تقيدبنوع الاكل اتذكر كلمه الدكتور محمدكل فتره مش مهم نوع الاكل المهم الكميه
قلب دوقدوق قلب دوقدوق images/avatars/moon.jpg سوبر فتكات Fatakat 244374 المنصوره عروسه النيل – قلب جوزي حبيبي