أزيكم يا بنات ان شاء الله تكونو بخير
انا انهاردة جاية احكيلكم علي تجربتي الناجحة ولله الحمد
بصوا يا بنات انا كنت عملت حقن مجهري قبل كده وربنا مأردش الحمد لله علي كل حال
المهم بعد فشل العملية الاولي روحت للدكتور واداني قائمة من التحاليل اعملها
وادي جوزي منشطات وفيتامينات المهم روحت حللت في كايرو لاب لانه المركز الوحيد
اليي بيبعت التحاليل دي بره مصر تتحلل هناك والنتيجة طلعت بعد شهر
وطلع عندي نسبة تجلط الحمد لله انها جت علي اد كده
المهم ابتدينا التنشيط خامس يوم البيريود وتاني محاولة عملتها بعد اول محاولة علي طول
وعملنا السحب وكانت المفاجاة اول مرة تظهر حيوانات منوية في
سائل جوزي والحمد لله هما اي نعم مكنوش كنير 15 الف
بس الحمد لله كنا فين و المركز قالي هنكلمك بكره الساعة 2 الضهر نقولك كام بويضة اتلقحوا
وفعلا كلموني قالولي 15 بويضة اتلقحوا
وحددولي معاد بعد خمس ايام نقل الاجنة
وطبعا من يوم السحب ابتديت في المثبتات و الكلكسان وما ادراكم ما الكلكسان
ويوم نقل الاجنة رحت وفي ايدي لتر ونص لبن رايب
وقعدت اشرب اشرب اشرب اشرب لحد ما اتنفخت اي والله
وبعدها دخلت نقلت الاجنة الحمد لله ربنا كان ميسرها
وبعدها انا طلبت اني ابات في المستشفي عشان في المرة اليي فاتت نزلت بعدها علي طول
وبعدها اخدت اجازة من الشغل اسبوعين الانتظار وكانت المفاجأة ان ماما تعبت بعد 7 ايام من
نقل الاجنة وروحت مع ماما المستشفي وقعدت الاسبوع التاني معاها في المستشفي رايحة جاية
انا قلت خلاص بقي العملية فشلت وماما فضلت زعلانة قوي وقعدت تقول انها السبب والكلام
ده لحد يوم التحليل الحمد لله ربنا كرمني وماما كمات خفت
انا عملتها في صن رايز يا بنات
المشتاقة لله ثم لضمة طفلي المشتاقة لله ثم لضمة طفلي فتكات هايلة Fatakat 726039 القاهرة – مصر