الموضوع مهم جدا
ولازم كل واحدة داخلة علي ولادة تقرا في الموضوع ده وتفهم كويس عشان تقدر تفسر اللي هيحصلها وتحس بيهه اول ما ترجع بيتها هي و البيبي ويتقفل عليهم باب واحد من غير لا مامتها تشيل عنها ولا اختها تسكتهولها
بصي يا فتوكة انا مرات اخويا وريتنا الويل بسبب حالة نفسية غريبة جاتلها بعد ماولدت اول بيبي
هما كانوا مسافرين وولدت برة وكانت لوحدها ولاقيناها مع اول اجازة ليهم بقتتجيلها نوبات عصبية وحساسة جدا لاقل كلمة
ههي اصلا قريبتنا وعمرنا ما شوفناها كده
قلنا يمكن لسة متعودتش علي اخويا مع انه نسمة ومستواه ماشاء الله ومتدين جدا يعني بيعامل الله فيها
وفوجئنا بعد البيبي التاني بالحالة بتزيييييييد جدا ولما اخويا اهتم باة قالوله في نفس المستشفي اللي ولدت فيها برة مصر
طبعا ان ده اكتئاب ما بعد الولادة ولازم تتابع مع دكتور نفسي عشان متعالجتش مع اول بيبي
ومن يوميها واحنا بنقرا وبندور وبنحاول نهتم انا واخواتي عشان نحمي نفسنا ونعرف كمان نتعالل معاها
علشان كده لما جيت اولد اهتميت بالاتي
روحت الكوافير قبل الولادة وعملت كل اللي نفسي فيه غيرت لون شعري وفردته وعملت حمام مغربي وحسست نفسي اني جميلة
بقيت اقعد اتكلم مع البيبي قبل ما ييجي واتفق معاه هنعمل كذا وناكل كذا وهاخد اجزة عشان خاطر عيونك وهكذا
جوزي قام بعمل ماقدرش انساهوله طول حياتي من غير ما يعرف انه كده بيحميني من الاكتئاب
هو اللي دخل معايا بدل الممرضات يشطفني بعد ما البنج راح
كان بيجيلي عند مامتي ويبات معايا انا وهو لوحدنا وكدة يعني
نضفلي اوضة في الشقة بنافسة قبل ما اروح علي بيتي
كان ييجي من شغله يقعد معايا انا والبيبي ويحسسني اننا وحشناه
مع العلم ان جوزي ده اااااااااااااااااخخخخخخخخخ مجنني في العادي ولسانه بينقط……………………شهد وخلاص
لما روحت بيتي كانت بتجيلي هواجس وانا قاعدة مع النونو لوحدنا
اني احط المخدة علي وشه مثلا عشان استريح من عياطه
او اني ارميه من الدور الخامس كده واشوف ايه اللي هيحصله اه وااللله هو ده اللي كان بيحصل وكنت اجري اقفل البلكونة واحطه من ايدي علي السرير عشان متجننش واعملها
ربنا يكفيكوا ويكفينا شر انفسنا
الصحة النفسية مهمة جدا وربنا يقومن كلنا بالسلامة
mokimoki mokimoki images/bigsmilies/mood25.gif فتكات نشيطة Fatakat 616955 القاهر – مصر