السلام عليكم ورحمة الله وبركاتة
يارب تكونو كلكم بخير بصو يابنات انا من خمس سنين عملت عملية تدبيس معدة عند دكتور السعيد الكيال في الاسكندرية
وفتحلى بطنى وقالي ان العملية هتخف وهتروح العلامات بتاعت الخياطة ولا راحت ولا حاجة ونقول دة مش مهم هدور على حل
الاهم انا وزنى كان 190 كيلو عارفة الرقم بشع بس انا اكولة جدا واهلى كلهم كدة المهم خسيت لحد 156
ومبقتش اخس !!!! واذ فجاءة لقيتنى ابتديت اكل زى اختى الصغيرة طيب فين العملية ؟؟؟؟؟؟؟؟
روحت له النهاردة تانى دفعت كشف يابنات 200 جنية !!!!!!!!!!!! قولت لي اهلى ياجماعة بلاش حرام الفلوس دى يلا نمشي
بس هما قالو لا لازم نشوف اية دة المهم دخلنا لقيتة بيقولنا العملية دى طبيعي بيحصل كدة وكدة العملية باظت لازم تعملى عملية تانية!!!!!!!!!!
قولتلة طيب انا عايزة اديق الدباسة تانى بدل العملية التانية لية اتكلف عملية وانا عندى دباسة في بطنى جاهز
قال لالالالالا لازم كلة جديد !!!!!!!!!!!!!!!!!!!!!1
وقعد بقي يقعنعنا بشوية عماليات تانية وقولتلة انا لسة مخلفتش مينفعش اللغي معدتى
المهم قلبي انقبض وقولت في عقل بالي لا يابت استحملى واعملى رجيم واتحركى وخسي مع نفسك
وقعد معانا اصلا 4 دقائق ومستعجل عشان يدخل الى ورنا طب بالنسبة لل 200 جنية الى مستدفناش بيهم اى حاجة دول
المهم كونا اصلا رايحين لدكتور تانى وراه عشان والدتى تكشف وماما حكيتلة الحكاية قالنا ربنا ينتقم منة دة بنت اخوة ماتت
بسبب عملية من عملياتة وحد تانى قريبة برضو عملو مشكلة صحية وقالنا نبعد خالص عن العمليات دى
وادالى برضو اسم ورقم دكتور عشان استشيرو بس نصحنى انو اخس مع نفسي احسن
والصراحة ربنا يكرمة لانة شجعنى انى مبهدلش نفسي يابنات تانى لان العملية فعلا متعبة وترجيع وقرف
الملخص انا عارفة رغيت كتير بس بعد ماسمعت عن الناس الي بتموت تحت ايدو قولت اجى اقولكم
عشان لو في حد ناوى يعمل في نفسة كدة ميعملش بجد نصيحة لوجة الله والله انا لا خسرانة ولا هستفاد حاجة
وان شاء الله من موقعى دة قررت انى اعمل رجيم وربنا يستر ادعولى بقي اخس عشان اخلف يابنات امانه عليكم
مع السلامة حبايبي
boba.alex boba.alex images/avatars/pinkflower.jpg فتكات رائعة Fatakat 523704 الاسكندرية – مصر