السلام عليكن
يارب تكونوا ف احسن حال وكل سنة وانتم طيبين
بصوا بقى انا متعودة اروح اجرب واعك الدنيا واجى اكتب تجربتى هنا ههههههههههههه
حتى لما بكون متضايقة وعندى مشكلة بحكيها علشان ماليش غيركم انا معنديش اخوات بنات
ربنا يخليكوا ليا
احم احم كفاية رومانسية بقى احنا ف شهر كريم …… المهم
من حوالى 5 سنين كده حسيت بوجع ف رقبتى وقلت يمكن من النوم غلط
انما الحكاية طووووولت معايا لشهور واكتر من سنة والكريمات اللى بدهنها معملتش حاجة
والوجع انتشر ف كتفى الشمال ودراعى وبدأ ينزل على ظهرى ووشى الناحية الشمال وورا ودانى
والوجع كان ملازمنى طول الوقت لدرجة انى لما كنت بلبس الحجاب او اى لبس بحس ان نصى الشمال غير اليمين
ومع ظهور الاعراض دى بدأت اروح لدكاترة مخ واعصاب وعظام ودخلت ف علاج طبيعى وكانت ليلة واخدت علاج كتير برشام وحقن
ويا اما مكنتش بحس بتحسن خالص يا اما كان تحسن بسيط بس بكون لسه تعبانة
لغاية ما تعبت وفقدت الامل وسبت نفسى خالص وتعبت اكتر
وكان لازم يكون فيه حل
بقيت ادعى ربنا ياااااااااااااااارب اشفينى انا سعيت كتير بس مالقتش نتيجة ومش عارفة اعمل ايه ؟؟
وقررت اسعى تانى واغير الطريق اللى كنت ماشية فيه واروح لدكتور تانى وفعلا رحت لدكتور عظام وطلب منى اشعة وطلع عندى مشكلة ف رقبتى انها معووجة وواخدة معاها دراعى وكتفى وظهرى وكان عندى ضغط ف الفقرات عامل شد ف الاعصاب وعامل لى تقوس ف الظهر وكتب لى علاج لما قريته لقيته مسكن ولعلاج تقلص العضلات الهيكلية وسألته على الكمادات الدافية قالى اه حتنفعك جدا وكتب لى كريم ادهنه ف المناطق اللى بتوجعنى
بس كل ده مش كفاية لانى مكنتش بعرف ادهن لنفسى ومحتاجة كمادات دافية لظهرى كله بكتفى ورقبتى
لغاية ما رحت عند واحدة صاحبتى عارفة مشكلتى وقالت لى على مركز علاج طبيعى او تكميلى وعندها
الســـــــــــــــريـــــــــــــــــر الحــــــــــــرارى
طبعا انا اول مرة اشوفه واستغربت الفكرة
بس من جوايا كان جسمى كله وجعنى حتى وانا بصلى ركبى ورجلى بيوجوعنى جدا رغم انى 25 سنة يعنى صعب اللى انا فيه ده
بس الغرقان بيتعلق ف قشاية زى ما بيقولوا فاستخرت ربنا ورحت وارتحت نفسيا جدا للمكان وصاحبته وسألتنى عندك ايه ؟ وحكيت لها وفهمتنى الجهاز بيشتغل ازاى وفوايده ايه وجربته من اول مرة حسيت بالـــــــــــــــــراحة ف جسمى وحجزت عندها كورس كامل
بجد جسمى اتفرج والوجع اللى عندى راح بنسبة 80 %
رغم انى لسه ما خلصتش الجلسات
بس الحمد لله ما شاء الله يوضع سرة ف ابسط خلقه
انا مش عارفة ارفع صور للجهاز بس انتوا ممكن تكتبوا السرير الحرارى ف جوجل وحتشوفوه وتقروا فوابده
بينشط الدورة الدموية ويرفع مناعة الجسم وبيساعد ف خفض الوزن والتخلص من السموم واى وجع وفوايد تانية كتير
يعنى لو حد منكم بيشتغل وحاسس بأرهاق وانه مضغوط ممكن يدور على مركز عنده السرير ده ويعمل جلسة او اتنين ف الاسبوع بجد محدش بيجربه ويسيبه ابداااااااا
اتمنى اكون افتدكم واللى عندها اى سؤال انا موجودة
ميس سوزان ميس سوزان 154375_1.gif سوبر فتكات Fatakat 154375 اسكندرية – مصر