السلام عليكم ورحمة الله وبركاته
ازيكم يا فتوكات يا قمرات 0
انا 19 سنة بس طباخة وبعشق المطبخ وبحب اخترع
انهاردة قررت اعمل كابوريا وسبيط
الاول الكابوريا
الاول جبتها ونظفتها كويس جدا وقطعت رجولها الجميلة دى هههههه
وغسلتها بالملح والدقيق والخل وبعدين جبت طماطم وفلفل رومى وفلفل حامى كمان كمون وليمون وملح وشطه وتوم وكرفس وكباية مياة
وبعدين رصيت الكابوريا فى صينية و جبت طبق كبير وقطعت فيه الطماطم والفلفل وحطيت عليهم ليمون وكمون وملح والكرفس والشطة
وبعدين حطيتهم على وش الصنية وحطيتها فى الفرن طبعا نزلت ميتة وشربتها حطيتلها نصف كوب مياة لحد لما استوت والوش اتحمر بقت تحفة والله بجد تجنن وعملت جمبها رز سمك بالبصل
ثانيا – السبيط جبته وغسلته وقطعته ورميت الراس بتاعته وغسلته بدقيق وملح وبعدين سلقته فى مياة منغير اى اضافات عشر دقايق وطفيت عليه
وبعدين عملتله تتبيلة عبارة عن توم وملح وكمون وليمون وتبلته وحطيته فى التلاجة علشان يشرب التتبيلة بتاعته
وبعدين جبت بيض وبقسماط ودقيق وفيجتار
الاول بنحط السبيط فى البيض وبعدين فى الدقيق وبعدين نحطه تانى فى البيض وبعدين فى القسماط اللى بالفيجتار هى لفة شوية بس النتيجة تجنن والله
وعدين قليته فى الزيت لحد لما اتحمر بس خد بالك ليتحرق هههههههههه
وعملت جمبهم سلطه خضراء وسلطة طحينة بجد كان طعم الاكل يجنن
مستنية ردودكم وتقيمكم واللى تجربها تقولى رئيها باى يا اجمل فتوكات مواضيع هذا القسم برعاية
mayadadodo mayadadodo images/avatars/peppers.jpg فتكات نشيطة Fatakat 817662 القاهرة – مصر