يا جماعه انا منصحش حد يولد عند الدكتورة منيرة جاد ابداااااااااا
انا تابعت معاها الحمل وولدت معاها وكنت كتبت قبل كده عن عيوبها فى المتابعه
المهم انها ولدتنى طبيعى وكنت واخده حقنه الابيديورال وفضلت تحاول تخرج البيبى معرفتش لحد ما النبض بتاع البيبى ضعف وطلعته بالجفت وابنى طلع داغه طبعا شكلها بايظ خالص ومعيطش خااااااااااااالص مع انهم ضربوه على رجله كتير اوى ولقيت المساعده بتاعتها بتوشوشها وانا هموت من القلق وخرجت قبضت فلوسها ومشيت بالسلامه من غير ما تقولى اعمل ايه مع الجرح ولا انى اخد ملينات عشان الامساك والجرح وكمان كانت موجوده فى المستشفى تانى يوم الصبح ومجتش تشوفنى عامله ايه
وكمان مش بتدى رقمها لحد خالص قلتلها طيب افرضى حسيتى بوجع زى الولاده قالتلى اطلعى على المستشفى علطول ولو ولاده هيكلمونى
ومن كام يوم كنت بتابع حملى التانى عند دكتور قالى انتى ولدتى ابنك ده قيصرى قلتله لا طبيعى قاللى بس راسه كبيرة قلتله ان الدكتورة استخدمت الجفت قالى الجفت ده مش بنستخدمه من عشرات السنين عشان ممكن لا قدر الله يجيب شلل او نزيف لان راس البيبى بتبقى طريه جدا ومادام راسه كبيرة المفروض منخاطرش ونحشر راسه وتولدى قيصرى عشان سلامة البيبى
مش بقول غير حسبى الله ونعم الوكيل فيها والحمد للله ان ربنا سلم
ونسيت اقول ان الم الخياطه فضل اكتر من 3 اسابيع بعد الولاده الم شنيع بجد
الحمدلله قدر الله وما شاء فعل
وناويه اولد مع دكتورة لبنى عبد العزيز وربنا معايا ومع كل حامل يارب ويرزق كل مشتاقه الذريه الصالحه امييييييييييييييين
rosa2017 rosa2017 102325_1.gif فتكات رائعة Fatakat 102325 مصر – مصر