السلام عليكم
ازيكم يافتوكات انا قلت اكتب عن تجربتى مع الاشعة بالصبغة علشان بلاقى ناس بتسال كتير
انا بعد ما بنتى قربت تكمل 3 سنين قلت اشيل اللولب واحمل قعدت سنة
وروحت لدكتور كبير وكنت بتابع معاه وكل شوية منشطات واشتريت اناناس لزيادة التبويض
مع انى اصلا معنديش مشكلة فى التبويض وكل مالاقى وصفة اعملها عملت كسر الظهر ووصفة كده علشان لو سورى فى رطوبة فى الرحم كل اللى تتخيلوه عملته وبرضه مفيش حمل
زهقت من الدكتور وقولت هاقعد كام شهر من غير دكتور ما حملتش برضه وغيرت لدكتورة تانية
قالتلى نعمل تحاليل ونعمل اشعة بالصبغة عملت التحاليل طلعت سليمة
قالتلى تروحى بعد ما البريود تخلص بيومين تعمليها وكتبتلى حقنة مسكنة
صليت ركعتين ودعيت ربنا ييسرلها عليا وكنت خايفة جداااا
دخلت عملتها كان فى سد فى الانابيب الشمال الدكتورة قالتلى اطلعى و10 دقايق وهنعملها تانى
وفعلا عملتها تانى والحمد لله السد اتسلك وفى نفس الشهر حملت ودلوقتى الحمد لله معايا انس
نصيحة متاخدوش منشطات عمال على بطال انا جسمى اتبهدل منها ومنه لله الدكتور
بهدلنى بالمنشطات واختارى مكان كويس تولدى فيه لانى الولادة القيصرية الدكتور منضفش كويس فحصل انسداد فى الانابيب
معلش طولت بس قولت يمكن افيد حد وجزاكم الله كل خير
lovely lovely 1445_2.gif فتكات ست الكل Fatakat 1445 البحيرة – مصر
سبحان الله و بحمده