السلام عليكم ورحمة الله رودى ياقمر
رددوى معاى الحمد لله الذى به تتم الصالحات وسبحان الله وبحمده عدد خلقه ورضا نفسه وزنة عرشه ومداد كلماته
دى تجربتى مش منقوله ولا من كلام دكتور
الصراحة معرفش ده مكان الموضوع ولا لأ ربنا يعين المشرفات يشفوله مكان
انا عندى ضغط واطى وانميه والبرشام الى الدكتور كتبه بيأسرش معاى بس لاحظت كام حاجة احب افيدكم بيها لانى بحبكم فى الله ربنا يشفينى ويشفيكم ومرضى المسلمين
1بلاش شغل متواصل اشتغلى ساعه وريحى نصف ساعة
2اهتمى انك تكلى اكل مفيد وصحى
3اوعى من عصير القصب على الريق خدى بالك على الريق ممكن تدوخى جامد لاقدر الله وتقعى كلى قبله بفترة متقلش عن ساعةانشلا بيضه اصل عملتها وكان هيغمى على لوحدى فى المواصلات وفضلت ادعى ربنا افضل بوعى والحمد لله ربنا ستر
4بلاش من الكركاديه (يارب اكون كتبته صح )خالص وخصوصا لو مش معاكى حد شربته فى فرح ووقعت من طولى خدو بالكم
5 لما تحسى بلاعراض من دوخه وغممان نفس وصدا ع ريحى فورا واشربى شاى او قهوة
6 افضل علاج للاعراض من برشام الضغط او برشام الصداع النوم لو نمتى ونعستى التعب بيروح
7 الافضل بلاش تخرجى لوحدك خصوصا لو هتركبى مواصلات لاقدر الله يغمى عليكى ومتعرفيش هتقعى فى ايد مين ربنا يحفظكم ويحفظنا والمسلمين يارب
8كترى شرب المياة والسوائل
9بلاش العصبيه والصوت العالى
دى الحجات الى اتعلمتها يارب تنفع حد فيكم انه يتعايش احسن مع المرض ده وربنا يشفيكم ويشفينا ومرضى المسلمين
والسلام عليكم ورحمة الله استودعكم الله الذى لا تضيع ودائعه
*برنسس انا بنقابى* *برنسس انا بنقابى* 806583_12.gif سوبر فتكات Fatakat 806583 القاهرةالكبرى – مصر
سبحان الله و بحمده