دة اول موضوع لية فى القسم بصراحة بس من كتر معاناتى مع عين السمكة قررت اكتبلكم تجربتى يمكن تفيدكم من فترة طلعتلى عين سمكة برجلى وبصراحة مكنتش بتوجع عادى يعنى بس انا اختى دكتورة جلدية المهم سألتها جابتلى لزقة الساسليك من الصيدلية المهم استخدمتها ولا عملت اى حاجة واللزقة نفسها مش بتسمك كويس
المهم اختى قالت خلاص حشيلهالك بجراحة قلت طيب سألت بتوجع قالت لا حديكى بنج المهم عملتها اخدت بنج فى رجلى وبدأت تحفر عشان تشيل عين السمكة هو انا محستش اوى بس برضوا دى جراحة المهم حطيت عليها قطن وشاش وبيتادين وموال طويل كدة ومش لازم تلمس الماية خالص وكل يوم اغير عليها لحد كدة كان كويس بس طبعا بعد البنج كان بتوجع شوية المهم فترة ولاقيت الاخت عين السمكة رجعت تانى مش بس رجعت لا دى رجعت ومعاها اخت ليها فى مكان تانى
وللمرة التانية اختى شالتها بالجراحة ورجعت لنفس العذاب
وللمرة التانية برضوا رجعت عين السمكة بس المرة دى مش مع اختها لاااااااااااااااااااااااااا ابدا جابت العايلة كلها رجلى كلها من نحية الكعب ونص باطن رجلى كلة عين سمكة والمرة دى بتوجع جدا مش بس لما امشى لا اقسم بالله انها كانت بتوجعنى حتى وانا قاعدة المهم اختى قالتلى مش حينفع اعملها تانى لان كدة انتى مناعتك ضعيفة وكل ما اشيلها حترجع فى مكان تانى كدة مفيش غير الكوى
طبعا انا كنت موافقة على اى حل عشان اخلص من الاخت عين السمكة
فى يوم اختى كان عندها دورة تدريبية تبع الشغل ومن كرم ربنا علية كان فية دكتور كبير بيتكلم فى الدورة دى عن عين السمكة وقال ان لها علاج غير مألوف بس مضمون طبعا انا اول ما اختى قالتلى انا كنت عاملة كدة بالظبط
عارفين كان اية هو العلاج مش حتصدقوا
السلوتيب
اة والله السلوتيب اللى بنلزق بية دة انا فى الاول مكنتش مصدقة بس من كتر الوجع انا كنت مستعدة اكلة مش احطة على رجلى ههههههههههه
المهم قلت دكتور فى الجامعة مش معقولة حيقول اى كلام وانا مش خسرانة حاجة جبت السلوتيب ورحت غسلت رجلى واتوضيت لانى حلف السلوتيب والبس شراب وحتوضا على الشراب
المهم لفيت كعب رجلى بالسلوتيب كذا لفة بس حطيب منديل على وش رجلى لاننى من اكتشفاتى لاقيت السلوتيب بياكل وش الرجل وكل 3 ايام كنت بغير السلوتيب عشان كدة اتوضيت قبل ما احطة لانى رجلى مينفعش تلمس المية وانا حاطة السلوتيب
انا عارفة انة ممكن يكون حرام بس والله بجد مكنتش عارفة امشى وربنا يسامحنى مينفعش على فكرة تغيرية كل يوم لان الفكرة فى السلوتيب انة بيعرق الجلد وبيشيل الطبقة الميتة مع كل مرة تغيرى عليها حتلاقى جلد ميت كتير بيطلع
اقسم بالله ان ربنا اكرمنى وكل عين السمكة اللى كانت مالية كعب رجلى راحت انا حبيت افيدكم بتجربتى وادعى للدكتور ربنا يجزاة كل الخير يارب
موسيقى الصمت موسيقى الصمت سوبر فتكات Fatakat 191647 الاسكندرية – مصر