السلام عليكم انا جاية احكى تجربتى فى الحمل انا حملت الحمد لله بعد ماخدت الكلوميد لمدة شهر وده الطفل الثانى وفى الشهر الثانى من الحمل نزل عليا ف معاد الدورة افرازات بنى قلقت جدا وجريت ع الدكتورة الدكتورة عملت سونار ولقيت كله تمام والبنى ده مش من الرحم بس برضه اديتنى مثبت حمل وكان عالى 400 مللجرام ف اليوم ومنعتنى من الحركة وانا طبعا سمعت كلامها لانى كنت خايفة اوى ع الحمل خصوصا انه بعد محاولات 6 شهور المهم الافرازات والمغص وقفوا بعدها بيومين بس فضلت اخد الدوا هرمون البروجسترون عندى كان 19 وبعد الدوا وصل 59وده اعلى من الطبيعى كنت فاكرة كده بحمى الحمل واحافظ عليه بعد شهر من الدوا وقلة الحركة لقيت رجلى ورمت ف يوم والم رهيب لا يحتمل وبعدها روحت للدكتور عملت اشعة قالى عندك جلطة ف رجلك ولازم تتحجزى ف العناية المركزة لنهم خايفين الجلطة تنتقل للرءة شفت ايام صعبة اوى كنت ممنوعة من اى حركة ولا حتى الحمام وادونى حقن الهيبارين مرتين ف اليوم وكل ده انا ف الغربة انا عايشة ف الصين ورجلى فيها الم لا يحتمل وممنوع اخد مسكنات علشان الحمل ،،،،،،،،،،،، انا طلعت من التجربة دى بكام حاجة 1- انو متخافيش اوى ع الحمل لان ربنا اللى بيحفظه وبعد كل اللى شوفته ده الحمل فضل موجود يعنى الخوف الزياده ده غلط عيشى حياتك الطبيعية وربنا اللى بيحفظ ، 2- لو الدكتورة هتديكى مثبت حمل عالى لازم تديكى معاه حاجة زى اسبرين لسيولة الدم خصوصا لو منعتك من الحركة لانه ده بيسبب تجلط الدم ، 3- بجد التعب بيجى ف لحظة والموت ممكن يكون ف لحظة انا كان ممكن الجلطة تنقل للرءة واموت ف ثانية ، 4- العلاج بتاع الجلطة ده مش سهل ده بياخد وقت طويل اوى وطول الحمل حقن وتحاليل دم يعنى لازم ناخد بالنا وبعد الحمل كمان دوا
الحمد لله على كل حال
نفسى اقرب من ربنا نفسى اقرب من ربنا 872965_1.gif فتكات حبوبة Fatakat 872965 حدائق الاهرام – القاهرة
سبحان الله و بحمده