السلاااااااااام عليكم يا بنات يا قمرات
يارب تكونو تمام وكل حاجه كويسه يارب
امبارح كانت ولاده مرات اخويا والحمد لله ربنا رزقنا بمحمد ربنا يحفظه ويخليه لمامته وبباه يااااااااااارب
فا قولت اجى احكى اللى حصل فى الولاده عشان لو حد عايز يستفيد
اول حاجه كانت المفروض ان الدكتوره قايلالها انها تولد فى مستشفى المدينه المنوره اللى فى ميامى عبد الناصر
مبدأيا المستشفى كويسه الى حد ما لكن مش واو يعنى — عادى مستشفى عاديه وزحمه شويه
بس الممر اللى فيه الاوض ضيق جدااااااااااا تحسى انه سرداب كده مش فاهمه استخصرو يعملو طرقه كويسه بين الاوض
تحسى الاوض ملزقه جمب بعض بشكل غريب اوى والممر ضيق جداااااا
بس كانت الاوضه كويسه ونضيفه فيها سريرين وطقم انتريه صغير ودولاب وسرير بيبى وتمام كل حاجه والحمام بتاعها كويس
دى المفروض انها اوضه رقم 7 اللى الدكتوره قالتلها تروحى عليها
قعدت وحطينا الحجات وبعدين لقينا الممرضات بيقولولنا معلش يا جماعه الاوضه دى محجوزه لدكتور تانى
فا قولنلها يعنى نروح فين ؟؟ قالت معلش هاننقلكم اوضه تانيه
احنا قولنا اوكى مكناش متوقعين الاوضه التانيه دى شكلها ايه طلعت وحشه اووووووووى وصغيره جدا ومفهاش سرير بيبى ولا حتى كرسى زياده هما سريرين بس
والحمام مش حلو خالص ومافيش دولاب هو كومودينو كده بين السريرن وخلاص
فا اخويا اضايق جدا وقالهم احنا حاجزين على اساس اوضه 7
الاوضه دى مش عجبانا المهم قولناله متعملش مشاكل وراحو الممرضات حطو لمرات اخويا محلول عشان يحضروها للولاده
كانت الدكتوره بتعتها لسه مجتش فا لما جت اضايقت جداااااااااااا من اللى حصل وقالتلهم ماينفعش وقالتلهم هاخد الحاله وامشى وفعلا اخدتنا ومشينا
بصراحه اسلوب الادراه فى المستشفى سيىء جدااااااااااااااااااااااااااااااا
المهم رحنا مستشفى تانيه اسمها الملاح
دى فى سيدى بشر تقاطع محمد نجيب مع جمال عبد الناصر
المستشفى من بره شكلها غريب وفوسط محلات كتير وكده فا تحسى الشارع مش حلو مع انه شارع عمومى يعنى
بس المستشفى من جوه انضف من المدينه المنوره بكتير وفاضيه لدرجه انى افتكرتها جديده
سألت المحل اللى تحت بقوله هيا مستشفى دى جديده ولا ايه قالولى لا مش جديده ولا حاجه قولتله امال مالها هاديه كده وتحس مافيش حد غيرنا !!
كانت واحده ست واقفه قالتلى لا عادى انا بنتى بتشتغل جوه والمستفى فيها حالات عادى بس هيا ماعليهاش ضغط كبير
المهم طلعنا الاوضه بصراحه كويسه وواسعه وفيها سريرين ودولاب وتليفزيون صغير كده مالوش لزمه
والحمام بتاعها شغال بس مش واو برضو بس اهو حاجه تقضى الغرض
الممرضات بتوعها عسولين جدا وطبعا عشان مافيش زحمه فا تحسى كانو مهتمين بينا اوى وبشوشين كده
المهم دخلت يادوب تلت ساعه ولقينا الممرضه جايه تقولنا مبروووك ورحنا عند اوضه البيبى سمعناه بيعييييط يا حبيبى
دخلونا نشوفه بس واحد واحد ولبسونا الشوز اللى بيبقى بلاستيك زى الكيس ده عشان التعقيم
وشوفنا البيبى كميل ماشاء الله
بعدها حوالى ربع ساعه طلعت مرات اخويا وكانت لسه مفاقتش من البنج
والدكتوره جت قعدت معانا فى الاوضه دكتوره زى السكر اسمها دكتوره نجلاء اموره اوى كده وعنيها زرقا ماشاء الله اللى هاتجيب بنت تروح تتوحم عليها
واطمنت انها كويسه وكلمتها وردت عليها وقالتنا انها عطت الممرضات الحجات اللى هاتتعمل كويس وهما هايعملو كل حاجه ماحدش يقلق
وتانى يوم اللى هو النهارده راحتلها الدكتوره برضو تطمن عليها وعلى الجرح
والحمد لله كل حاجه كانت كويسه الحمد لله
بس كده يا جماعه انا قولت اقولكم على التجربه دى يمكن تفيد حد
بصراحه لسه صاحبتى والده فى الشرق الاوسط بتقولى انها عاديه جدا مش زى ما كنا متخيلين برضو
واهم حاجه بقى بجد فى المشتفى انها متكونش زحمه وفيها حالات كتير لان ده بيخلى الممرضات مشغولين ومش مركزين وعايزين ينجزو وخلاص عشان يشوفو بقيت الحالات
فا الواحد يروح مستشفى هاديه وكويسه احسنله والله 100 مره من لو مستشفى كبيره ومشهوره بس زحمه
طيب مضطره اسيبكم بقى
بس دعوه حلوه كده هه وياريت اللى يقرا الموضوع يرفعه يمكن حد يستفيد منه وناخد كلنا الثواب
وتصبحو على خييييييييييير
*يارب عفوك ورضاك* *يارب عفوك ورضاك* images/avatars/redfishsm.gif ممنوعة من المشاركة Fatakat 205578 الاسكندريه – مصر ام الدنيا