انهارده بقى جايبالكوا طريقة عمل الكسكسي فى البيت
نقول بسم الله
طبعا اولا بشكر الست غاااااااااااااااليه حلقتها بتاعت الكسكسى رائعه وانا عملت الكسكسى من الفيديو بتاعها وده اللينك بتاعها
https://www.youtube.com/watch?v=hzDX13qkXvY
وبشكر الفتوكه سالي عيد لانى شفت طريقتها فى عمل الكسكسي وده اللينك بتاعها
https://fatakat.univanet.com/#428482
اول حاجه عاوزه اوريلكم حلة الكسكسي أو المفتول ودى انا اشترتها من محل ادوات منزليه ب 95 ج
تانى حاجه الشاشه البيضاء ودى انا جبتها من عند واحد بتاع قماش تقوليله عاوزه قماش شاش قطن بس تكون خفيفه مش تقيله واهم حاجه قطن اوعوا تنسوا
وكمان المنخل السلك وده جبته ب 7 ج
ركزوا بقى معايا كويس ايه ده انتوا تنحتوا كده ليه ما علينا
المقادير
كيلو دقيق – رشة ملح – ماء
وطبعا كميه الماء على حسب ما ياخد الدقيق وهاتشوفى توقفى الماء امتى
ده الطبق بتاعى وحطيت فيه كيلو الدقيق وجبت شفشق صغير فيه ماء وبحط ايدى الشمال فى الماء وانزل بيها على الطبق وايدى اليمين بلف بيها فى الطبق زى عقارب الساعه وطبعا بترشى بإيدك مش تدلقى الماء علشان ينزل نقط على الدقيق و يعمل حبيبات زى كده
وطبعا تفضلى ترشرشى الماء وتلفى بإيدك اليمين وهاتلاحظوا ان الدقيق بقى حبيبات ولما تحسوا ان الدقيق بقى تقريبا شبه حبيبات بس طبعا مش كله لان احنا لسه هاندعكه يعنى ممكن يبقى فيه شويه دقيق ناشف بس لما ندعكهم كلهم هايبقوا حبيبات وطبعا احنا لو زودنا الماء هايتحول لعجين علشان كده بقولكم يادوب لحد ما تحسى انه بقى زى الحبيبات كده والصور هاتوضحلكم
واول ما الدقيق يبقى كده نبتدى نلفه على ادينا يعنى تحطى الدقيق فى ايدك و تلفى مع عقارب الساعه بس مش تضغطى بإيدك جامد لا خليكى حونينه عليه علشان خاطرى دلعيه كده و شخلعيه
واهم حاجه ماتكونيش لابسه فى ايدك اى خواتم سامعه يا اوختى ماحبكتش يعنى علشان عاوزين الدقيق يبقى شكل واحد والصور هاتوضح لكم بعد لما نلفه شكل هايتغير خالص
وعاوزين بقى نوصل للشكل ده
يتبع مواضيع هذا القسم برعاية
hanonatamer hanonatamer فتكات نشيطة Fatakat 98596 القاهره – مصر