بسم الله الرحمن الرحيم
ازيكو يا فتوكات يا رب تكونو بخير و صحة دايما يا رب
مين فينا بتدخل القسم و تفضل تدور تدور على وصفات و مشروبات و كريمات و و و و و ف الاخر
و لما بنلاقي كمان مبنبقاش عارفين هل هنخس عليها فعلا ولا لا
بنجرب كريمات غالية و الي يقولك مستورد و اللي يقول فعال و كلو كلام
ما بنصدق نلاقي حاجة نجري نجربها علطول
و انا اول واحدة ملسوعة من الحاجات دي من ادوية لكريمات لمشروبات لوصفات يا قلبي لا تحزن
ف فكرت اننا نعمل زي موسوعة لتجاربنا الناجحة و الفاشلة
عشان نستفيد و ف نفس الوقت نفيد بعض و ناخد خبرة لان التخن ده ازمة
حاجة بسيطة يعني
المووووووهم دي الاستمارة و كل واحدة تملاها عشان نستفيد
عشان ساعات بنات بتكتب مواضيع بتنقط معلومات
فا الاستمارة هتكون كـ التالي و كلو يعمل كوووووبي و تملي الاستمارة يا عسسسليه
وزنك :
سنك :
المنطقة اللي تتركز فيها الدهون في جسمك ؟؟
ايه نظام الريجيم اللي جربتيه و خسيتي عليه ؟؟
استمريتي ع الريجيم ده قد ايه ؟؟
فيه اكلات معينة جربتيها للدايت و خسيتي عليها ؟؟
ادوية او عقاقير استخدمتيها للتخسيس و نجحت ؟؟
خسيتي عليها كام كيلو ؟؟ و استمريتي عليها قد ايه ؟؟
ادوية و عقاقير جربتيها و مجابتش نتيجة ؟؟ استمريتي عليها قد ايه ؟؟
اعشاب او وصفات جربتيها للتخسيس ؟؟ ايه النتيجة و استمريتي عليها قد ايه ؟؟
كريمات او زيوت جربتيها للتخسيس ؟؟ استمريتي عليها قد ايه ؟؟ و ايه طريقتك لاستخدامها ؟؟
كريمات او زيوت جربتيها للشد و جابت معاكي نتيجة كويسة ؟؟ ايه طريقتك في استعمالها و استمريتي عليها قد ايه ؟؟
كريمات او زيوت جربتيها للسلوليت و جابت نتيجة كويسة ؟؟ ايه طريقتك في استعمالها و استمريتي عليها قد ايه ؟؟
تمارين معينة او جهاز رياضي فادك ؟ ايه هو الجهاز و ايه المنطقة اللي جاب معاها نتيجة ؟؟
يللا وروني همتكو عايزة استمارات مطررررررررر
هستنى مشاركاتكم و دعواتكم ليا و لاي بنت توصل للوزن المثالي بصحة و خير يا رب
و التقييم لو عجبكو الموضوع و الفكرة و انا هبدأ ب استمارتي دلوقتي
Moon Lover Moon Lover 507786_3.gif فتكات ست الكل Fatakat 507786 Egypt – Cairo