السلم عليكم يا احلى صحبه فى اغلى مدونة
اخباركم ايه
صباح الفل على عيونكم
انا عملت امبارح الشوربه الحارقه للدهون
والى ما يعرفهاش هى عباره عن
كرنبه متوسطه واربعه حبات فلفل وست بصلات خضر واربع طمطيات واربع اعواد كرفس افرنجى
وقطعت الخضار كله ولما غلى عشر دقائق وطيت عليه تلت ساعة وبعدين فرمته فى الخلاط
امبارح اخدت الشوربه مع فاكهه تفاح وبرتقال بس
والنهارده مع خضار الصبح اخدت الشوربه مع خسايه وخياره
الغدا بقى عندى بروكلى بس مش عارفه اعمله ايه
انا كنت باسلقه واحطه مع المكرونه الباشاميل اوفى شوربه الخضار
حد يقولى اعمله ازاى بس ما يكونش فى لادهون ولاطماطم
وعلى فكره عندى كرفس وفلفل الوان
وياريت يا بنات تدعولى اخس الاسبوع ده 5كيلو
بصراحه الشوربه طعمها بشع بس هصبر واستحمل عشان اخس لانى تعبت جدا
الحمد لله خسيت 22 كيلو فى 7 شهور بس بعد غلب ومصاريف ملهاش اخر مع الدكتور
بس هجرب لوحدى اخس عشره كيلو كمان
الشوربه دى بتخسس من 5 الى7 كيلو فى الاسبوع
امانه عليكو تدعولى وتقولولى اعمل الخضار ازاى
ويا ريت لو حد جربها يفيدنا بتجربته
وربنا ما يحرمنى منكم
ام يمنى ام يمنى images/flowersavatars/avatar0016.jpg فتكات رائعة Fatakat 29372 قلب زوجى وعقل بناتى – مصر
سبحان الله و بحمده