بيتزا البيض (شكل جديد للبيض الاومليت
طبعا بما انى فاشله فى عمايل البيض الاومليت (مبعرفش اقلبه ع الوش التانى خااالص ) فقررت اعمله بالطريقه دى واهو كمان تجديد فى شكله وفى طعمه كماان يعنى بنجدد فى كل حاجه اشمعنا البيض يعنى مالوش نفس ولا مالوش نفس المهم ده عشا او فطار سهل وسريع وشكل جديد للبيض تعالى تابعى معايا الطريقه بقا بالخطوات المصوره
3بيض(او حسب الكميه اللى انتى هتعمليها )+طماطم مقطعه صغيره+فلفل اخضر وممكن حار حسب الرغبه+زيتون وطبعا هنخليه او هاتيه مخلى جاهز +جبنه موتزيرلا او اى نوع تحبيه +زبده
لو عندك قطع فراخ باقيه عندك ياسلام لو تحطيها بتبقى وااو بجد معندكيش يبقى خلااص باللى عندك واتصرفى
بنسيح الزبده ومعاها نقطه زيت عشان مش تتحرق وبعدين ننزل بالبيض الاومليت بعد ماضربنا البيض بالشوكه وحطينا عليه ملح وفلفل اسمر
هنا نزلنا بالبيض بتاعنا والنار هاديه وقرب مابيستوى من تحت ويوصل للشكل ده نبتدى نضيف بقا مكوناتنا التانيه
هنا ضيفنا شويه جبنه موتزريلا وبعدين الفلفل وبعدين الطماطم وبعدين جبنه من فوق الوش تانى
هنا شكلها بعد ماضفنا كل المكونات نقوم بقا مدخلين الطاسه بتاعتنا تحت الشوايه اللى فى الفرن لغايه ماوشها يحمر والبيض يستوى مش بتاخد وقت يعنى كل شويه بصى عليها هتلاقيها كل حاجه فيها استوت متقلقيش
وده شكلها بعد ماطلعناها من تحت الشوايه وتقطعيها بقا باى شكل تحبيه وتقدميها وطعمها بجد جمييييييل
وتتقدم سُخــــــنه مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt