السلام عليكم ورحمه الله بركاته ازيكم يا احلي بنات يارب تكونوا كويسين وكل سنه وانتوا طيبين ورمضان مبارك علي الجميع ورمضان الجاي ان شاء الله كل واحدة تكون حققت الي بتتمناه
ندخل بقي في الموضوع علي طول من غير لف ولا دوران زي ما العنوان باين كده بالظبط بيتزا وكرواسون وبنفس العجينه اختكم بقي جايبه بوتوجاز جديد وفرحانه بيه وعماله تخترع جات في دماغي ا
الفكرة دي قلت ايه بقي دقت ساعة العمل دقت ساعه الزحف دقة ساعة الانتصار الي الامام الي الامام الي الامام من انتم ؟ من انتم ؟هههههههههههههههههههههههه
المقادير بتاعه البيتزا
1- 2 كوب دقيق
2- ملعقة خميرة
3- ملعقة سكر
4 – ملعقة ملح
5– لبن للعجن + نصف كوب من الزيت للعجن برده
6- 3 معالق كبار حليب بودر ولو مش موجود مفيش اي مشكله
هنخلط كل المقاير يعني نحط الدقيق عليه الخمير ة والسكر والملح ونعجن باللبن لحد ما العجينه تبقي طريه ومش تلزق في الايد وهنضيف طبعا الزيت مع العجن وبعدين هنسيبها تخمر حوالي ساعه ونجهز بقي مقاير البيتزا والحشو زي ما احنا عايزين عايزاها باللحمه او بالجبنه او بالتونه زي مانتي عايزاها وطبعا تحطي المقادير ودخليها الفرن
ايه بقي الافتكاسه هتسيبي شوية من عجينه البيتزا تجيبيها وتفرديها بالنشابه ويكون عندك زبده سايباها برة الثلاجه بيحث تكون طرية تعرفي تفرديها علي العجينه وتفرديها علي العجينه وتطبقي العجينه عليها وبعدين تسيبيها حوالي نصف ساعه وبعدين تجيبيها وتفرديها وتعمليها علي هيئة مستطيل وقطعيها مثلثاث واحشي من عندك القاعده بتاعه المثلث وابرميه وادهني الصنية بالزيت ورصي الكرواسون وسيبيه يخمر ساعه او اكتر حسب ما يسمح وقتك بس مش اقل من ساعه وبعدين ربي بيضة مع معلقة لبن وادهني الكرواسون ودخليه الفرن وشوفي بقي الجمال هش وجميل جدا والله من جوه واليكم بعض الصور الداله علي الجريمه هههههههههههههه معلش يا بنات نسيت معرفتش اصور كل الخطوات بس اوعدكم ان شاء الله هنزلكم بعد كده الخطوات كامله
وفي الاخر طلع كرواسون زي ما انتوا شايفين كده في الصورة ومن جوه هش جدا وجميل معجزه جربوا وادعولي
لو عجبكم الموضوع مش طالبه غير دعوة حلوة من قلبكم بالذرية الصالحه عاجلا وليس اجلا لي ولكل مشتاقة ولو حبتي تقيمي براحتك ده اختياري مش اجباري والي عايز شاي بحليب وواحده
كرواسون عشان يفطر يقولي بس واحده بس مش اكتر
بحبكم في الله مواضيع هذا القسم برعاية
حيائي تاجي وعزتي حيائي تاجي وعزتي 420402_2.gif فتكات ست الكل Fatakat 420402 بلاد الله – ارض الله الواسعة