مساء الخيرررررررررررررر
عاملين ايه يافتوكات واخبار المطبخ ايهاللى دوخنا كل يوم نطبخ ايييييييييييييييييييييييييييه
النهارده قلت اعمل عالعشا بيتزا والحمدلله طلعت روعة
ندخل عالمفييد
المقادير
2كوب ونص دقيق
1م كبيرة خميرة
1معلقة كبيرة سكر
نص معلقة ملح
1كوب لبن دافى للعجن او كوباية زبادى
ونعجبنهم كلهم مع بعض وننزل باللبن حبه حبه لحد ما تبقى العجينة مش بتلزق فى الايد خاااااااااالص ومش مشققة لو شققت معاكو زودو لبن بسيط حبه حبه لحد ما تظبط
انا عجبنتها فى العجان
بس تعجنوها اوى لحد ماتظبط وتسيبوها تخمر من نص ساعة لساعتين انا سيبتها نص بس عشان كنت مستعجلة بس كل ما اعدت اكتر كان افضل
وهى بتخمر نعمل بقى الاضافات بتاعتها انا عملت واحده بالسوسيس وواحده فراخ و سوسيس
مقاديرها بقى
بصلة كبيرة مقطعة شرايح
وزيت
زيتون اسود
فلفل اخضر شرايح
قطعة جبنة رومى مبشورة
وطماطم شرايح
الاول هنشوح البصل فى الزيت
وبعدها الفلفل الاخضر معاه والزيتون
وبعد كده ننزل بالسوسيس وانا عملت تانية بالفراخ فبعد ما عملت الاولى حطيت عالباقى الفراخ مقطعة صغيرة وشوحتهم سوا بردو
وبعد كده نحط الجبنة الرومى عليهم لحد ما كلو يبقى تمام
نجهز بقى صنية تيفال وفيها زيت بسيط اوى ونجيب نص العجينة ونفردها فى الصنية
وبعدين نحط الكاتشب وطعمها بالكاتشب احلى من الصلصة انا جربت صلصة البيتزا الجاهزة حلوة بردو بس مكنش عندى فحطيت كاتشب
بعدها نحط جبنة موتزاريلا دا بيخلى البيتزا تمط زةى الجاهزة بالظبط
وبعدها ننزل عليها بالخلطة بتاعتنا
ونكون سخنا الفرن ندخلها ربع ساعة بس
وكده لما طلعت من الفرن
دى بالفراخ والسوسيس
مواضيع هذا القسم برعاية
noran_h noran_h 328008_2.gif فتكات رائعة Fatakat 328008 الخبر – السعودية