*** بيتزا دوار الشمس بعجينه العشر دقائق ***
نبدا بعجينه العشر دقايق الي هي اروع من كده مفيش وانا بقيت معتمده عليها بكل معجناتي والحمدلله
كل النتائج بتطلع تحفه
المقادير تتكون من مجموعتين
المجموعه الاولى
2 كوب ماء دافئ
2 كوب دقيق فاخر
2 معلقة خميرة فورية
1/4 معلقة صغيرة ملح
2 ملعقة لبن بودرة
1/4 كوب سكر
المجموعة التانية :
3 كوب دقيق فاخر
1/2 كوب زيت نباتي
الطريقة :
نحطي مقادير المجموعة الأولى مع بعض ونسبهم يتخمرو 10-15 دقيقة . وده شكلو بعد ما تخمر لازم يكون مليان فقاقيع وخمران
بعدين نقوم نحط عليه مقادير المجموعه التانيه ونعجنهم لحد متبقى عجينه متماسكه ….
ولو حسيتيها طريه رشي عليها شويه دقيق علشان تعرفي تعجنيها كويس
وهنا شكل العجينه بقت جاهزه
دلوقتي بقت جاهزه تقدري تشكليها وتعملي فيها اي حشوه انتي تحبيها
نبدا بعمل بيتزا دوار الشمس
نفرد العجينه بشكل دائري على سطح مرشوش بالطحين
نضع العجين في صينيه مدهونه بشويه زيت ذره
وبقطاعه البيتزا نعمل خطوط زي ما شايفين بالصوره
نحط على الاطراف بس صلصة البيتزا
بعدين الجبنه والزيتون والذره والمشروم (طبعا الاضافات زي متحبي )
نيجي دلوقتي نحط الي بالوسط ونلزقه لورا لطرف العجينه من بره … وهكذا ….
لحد متكتمل بالشكل ده
نيجي دلوقتي ندهن عليها من فوق شويه بيض علشان نرش فوقه سمسم (ممكن كمان حبه البركه مع السمسم)
الان بقت جااااااااهزه خلاص
بالنسبه للخبز يا جماعه
من طرق نجاح المعجنات انه لازم تدخل وهو الفرن حامي من 10 دقايق قبل متدخل الفرن
وبعدين نحط الصينيه على درجه حراره متوسطه لمده 15 دقيقه تقريبا … بعدين نحمرها من الوش
شايفين العجينه طالعه هشه ازاي .. ده غير الطعم … روووووعه والله
ومن تحت لونها دهبي وحلو شايفين عامل ازاي ؟
واتمنى تكون الوصفه عجبتكم
يتبببببببببببببببع ………………
مواضيع هذا القسم برعاية
شيف نوده شيف نوده 580782_2.gif سوبر فتكات Fatakat 580782 القدس – فلسطين