ازيكم يا فتووكات يا قمرااات وحشتوووووووونى
بقالى كتييير مانزلتش مواضيع
انا جايه لكم النهاردة بصنفين جمال اوى ولذاذ جدا
وهما من افتكاساتى فى مطبخى يارب يعجبوكم
اول حاجة بيتزا بقوالب الكاب كيك وده صنف لذيذ اوى وشيك جدا
تانى حاجة الفطاير المقلية المقرمشة بالجبنة وده باه صنف بجد خطييييييير
والاطفال بيحبوووووه جدا
حنبدا الاول بالكاب كيك
العجينة
ربع كيلو دقيق
معلقتين كبار زيت
معلقتين كبار جبنة كاسات بطعم الشيدر
معلقتين كبار لبن بودرة
نصف معلقة صغيرة ملح
نصف معلقة كبيرة سكر
نصف معلقة كبيرة خميرة فورية
نصف معلقة صغيرة بكنج باودر
ماء دافى للعجن
معلقة كبيرة زيتون مخلل مقطع قطع صغيرة جدا
معلقتين كبار لنشون او بسطرمة مقطعة قطع صغيرة جدا
معلقتين كبار جبن رومى مبشورة او مقطعة قطع صغيرة جدا
معلقة كبيرة زيت نضيفها فى نهاية العجن
طبعا ممكن تضيفوا زعتر او اوريجانوا او اى اعشاب انت بتحبيبها على العجينة
ده شكل اللنشون مع الزيتون مع الجبنة اللى ححطهم على العجين
حنحط الدقيق فى طبق العجن ونضيف له كل المكونات واللنشون والزيتون والجبنة ونضيف الماء الدافى شوى شوى ونعجن
جيدا لغاية ما تتكون عندنا عجينة لا تلتصق فى اليد ولينة ومطاطة فى نفس الوقت مش يابسة يعنى لما تشديها تمط معاكى زى اللبان مش تتقطع
ونعجن فيها عشر دقايق وبعدين نحط معلقة الزيت ونعجن مرة اخرى 5 دقايق وده شكلها
نسيبها تخمر لما يتضاعف حجمها
حنجيب ورق الكاب كيك وندهنه زيت بسيط ونحط فى كل ورقة كورة صغيرة من العجين
نسيبه لما يخمر ويتضعف حجمه وبعدين حطيته فى قوالب الكاب كيك انا استخدمت القوالب ديه
لو كندك صينية الكاب كيك تستخدميها طبعا
بخلط كاتشاب على صلصة بيتزا بكميات متساوية وبدهن البيتزا كويس
وبعدين احط شريحة فلفل وزيتون اسود وجبن موتزريلا
وبعدين اخبزه فى فرن ساخن جدا متولع من فوق وتحت على الرف الاوسط وعلى فكرة مش بتعد كتير يعنى تابعيها بتخلص بسرعة
يتتتتتتتتتبع يا قمرات طريقة الفطاير
مواضيع هذا القسم برعاية
۩۞۩ الحمد لله رب العالمين ۩۞۩ ۩۞۩ الحمد لله رب العالمين ۩۞۩ 94824_2.gif سوبر فتكات Fatakat 94824 جدة & المنصورة بلدى حبيبتى – السعوديه دلوقت و مصر فى الاجازة