السلام عليكم يا قمرات فتكات الطيبات
غدانا امبارح كان 2 بيتزا واحده باللحمه وواحده بنقانق الدجاج
وصورتها وانا بعملها وقلت لازم اوريها لاخواتى فى فتكات
ندخل فى المهم
المقادير
كيلو دقيق * كوب لبن رايب * كوب الا ربع زيت * معلقه كبيره خميره فوريه
معلقة سكر * معلقة ملح * فلفل * كمون * نعناع * قرفه * معلقه صغيره بيكنج بودر * بيضه ( البيضه بتعمل طعم حلو للبيتزا … بس قبل ما تحطيها على العجين ضيفى عليها فلفل اسمر وقلبيها )
الحشو
لحمه مفرومه متعصجه * نقانق دجاج متشوحه ببصل *
فلفل اخضر * فلفل اصفر * زتون اخضر * جبنه موتزاريلا * ماء
وطبعا الصلصه اللى بندهن بيها العجين
الطريقه بالصوررررررررررررر
ده الدقيق ….. انا عجنت كيلو وعملت 2 بيتزا وفضلت عندى عجينه تعمل كمان واحده
وده طبق فيه معلقة ملح ومعلقة سكر ومعلقة بيكنج بودر صغيره
ومعلقه كبيره خميره فوريه وفلفل وكمون وقرفه ونعناع
وجمبه كوباية لبن رايب وكوبايه الا ربع زيت وبيضه وكوب ماء لتكملة العجين
وهنا حطيت المكونات الجافه على الدقيق
وقلبتهم كويس وبعدها حطيت الزيت واللبن الرايب والبيضه
وبقيت اقلب واحط المايه شويه بشويه لحد ما اتعجنت وباقت جميله
وده شكل العجينه بعد ما عجنتها
وغطيت عليها عشان تخمر وعلشان الدنيا حر خمرت فى نصف ساعه فقط
وده شكلها بعد ما خمرت
وطبعا على ما العجينه خمرت انا جهزت الصلصه والحشو
بالنسبه للصلصه انا شوحت فصين توم ودوبت علبة صلصه فى كوب ماء
وحطيتها على التوم ولما غليت كده هى جاهزه ادهن بيها العجينه
وده شكل الصلصه
وده الفلفل الاخضر والفلفل الاصفر بعد ما قطعتهم ومعاهم الزتون
وى اللحمه المفرومه بعد ما عصجتها بالبصل وحطيت عليها معلقة صلصه
ودى نقانق الدجاج بعد ما شوحتها بالبصل وحطيت عليها معلقة صلصه
ودى الجبنه الموتزاريلا
وبعدين جبت حتة من العجينه وفردتها فى الصينيه بعد ما دهنت الصينيه زيت
وبعدين دهنت العجينه صلصه وجبت شوكه وشكشكتها عشان ما تقبش فى الفرن وده شكلها
وبعدين فرشت اللحمه على العجينه كده
وبعدين حطيت الفلفل الاخضر والاصفر والزتون كده
وحطيت الموتزاريلا كده
وبعدين دخلتها الفرن واستوت تقريبا فى ربع ساعه
وده شكلها بعد ما استوت
وده شكلها بعد ما غرفتها فى الطبق
وبنفس الطريقه عملت بيتزا تانيه بس بدل ما احط لحمه حطيت النقانق
وخليتها من غير فلفل ولا زتون علشان تكون مختلفه
وده شكل بيتزا النقانق بعد ما استوت
وده طبق حطيت فيه خرطه من بيتزا اللحمه وخرطه من بيتزا النقانق
وحواليهم خيار اخضر وخيار مخلل وزتون اخضر
وده شكله من الجمب
انا كده خلصت ويارب تعجبكم
بس بالله عليكى لو عجبتك الطريقه
ما تنسيش التقييم
فى امان الله
احبكم فى الله
اختكم ام عمار
***********************
مواضيع هذا القسم برعاية
نفسى فى بنوته نفسى فى بنوته 392243_45.gif فتكات غالية قوي Fatakat 392243 القصيم ( بريده ) – السعوديه