ازيكم فتوكاتي حبيباتي
بما اني نكدت
عليكم امبارح بسبب مشكله تاخر الحمل عندي
حبيت ادخل عليكم بحاجه النهارده كله بيحبها
البـــــــــــــــيــــــــــــتـــــــــــــزا
ان ان اه تششششششششششششششششششششش
يلا بينا عالمقادير بلاش رغي
العجينه بتتعمل علي مرحلتين
المرحله الاولي:
1 كوب دقيق
1 معلقه سكر
1 معلقه خميره بودر
1 حليب بودر ( بلاش تحطي لبن سايل)
1 كوب ميا دافيه اوعي تحطيها بتغلي
حبه نونو بيكنج بودر وحبة نونو محسن كيك
المرحله التانيه:
كوب ونص دقيق
14 كوب زيت
حبه نونو فانيليا
يلا نبتدي الشغل
هانخلط مقادير المجموعه الاولي بس ننخل الدقيق بمنخل ضيق كويس جدا انا نخلته 4 مرات
وهايبقو بالشكل ده
عامله زي عجينه الكريب
وبعدين نغطيها ونسيبها تخمر 10 دقايق ربع ساعه بالكتيير
هاتبقي بالشكل ده كلها بلالين
بعدين نجيب الدقيق والزيت والفانيليا ونحطهم عليهم دفعه واحده
وبعد كده نعجنهم كويس جدااااااااا لحد ما تبقي عجينه لينه بس ما بتلزقش في الايد ولو احتاجت شويه دقيق حطيلها بس اوعي تسبيها تلزق في الايد عشان متفرولش معاكي بعد السوا
وبعدين تقسمي العجينه بالحجم اللي تحبيه وتفريدها علي رخامه مرشوشه دقيق وتخرميها بخله بتاعة الشوا وتحطيها في الصينيه وتغطيها وتسبيها في مكان دافي عشان تخمر لمده ساعه ونص
ده التخن اللي تسبيها عليه
ودي كرواسونايه قولت اصبر بيها نفسي
ودي لما العجينه اختمرت ونفشت
استنوني رجعالكم تاني بالبيتزا وطريقتها مواضيع هذا القسم برعاية
فريده فراويلا فريده فراويلا 731055_2.gif فتكات ست الكل Fatakat 731055 القاهره – مصر