السلام عليكم ورحمة الله وبركاته
أخواتى فى الله
قبل كل شىء الدعاء والصلاة واليقين برحمة الله
أنا أقسم بالله أن كل اللى باكتبه صحيح وحصل فعلا
أنا قعدت 5 سنين زى كتييير مننا من غيرحمل وطبعا عملت كل حاجة تحاليل سونار متابعة تبويض وأشعة تليفزيونية مسحة مهبل
تحليل مابعد الجماع وتلقيح صناعى وحقن مجهرى ومنظار وعملية لأزالة كيس من ع المبيض وكمان عندى أندومتريوزس مرض بطانة الرحم يعنى
بس فى الحقيقة أنا كان يقين والحمد لله فى ربنا كبير كنت بادعى وباصلى كتيير وكنت حاسة بالفرج قريب
طبعا كتييير يقولولنا بس شيلى الموضوع من دماغك وهو هييجى لوحده
وكنت باقول ازاى أشيله ده انا مش بفكر غير فيه
لكن بعد عملية الحقن المجهرى نفسيتى تعبت وقلت خلاص لا علاجات ولا لف ودوخة هاسيب الموضوع ده بقى واعيش حياتى واتفسح وارميه من ورا ضهرى تعبت تعبت
وصدفة جمعتنى بسيده عراقية قالت لى على وصفة بيعملوها فى العراق لتأخر الحمل
أنا بطبعى عمرى لا خدت ولا عملت وصفات نهائى
قعدت تقنع فيا وتقوللى جربى بس دى حاجات طبيعية وبتنشط المبيض و….و,وو والكلام اللى أنتو عارفينه
وسميت بالله وخدت الوصفة وفى الشهر ده ماجتش البريود وحملت بأمر الله
دبس التمر يعنى عسل التمر تلاقوه فى علب صفيح بتاعت المعلبات وموجود عند السوبرماركت الكبيرة كارفور الفا وعند العطارين المشهورين وكمان من سوق ليبيا فى مطروح ومكتوب عليه دبس التمر أو عسل التمر
وكمان حبة البركة
الطريقة
معلقة أكل حبة البركة
نجيب مقلة تيفال ونحط فيها حبة البركة وع النار نحمصها دقيقة أو دقيقتين لحد ا تشمى ريحة حبة البركة ما تحرقيهاش
والمقصود أن حبة البركة فيها زيت بيطلع بالتسخين الشديد
نجيب كوباية من اللى بنعمل فيهم الشاى متوسطة يعنى ونملاها بالعسل ده
نحط حبة البركة ع العسل ونقلبهم
وسمى بالله واشربى
طبعا هى مسكرة بشكل يموع النفس هاتى نص لمونة واشربى شوية وخدى لمون شوية ولا مخلل
وطبعا فى قعده واحدة يعنى ماتسيبيهاش وتروحى تطبخى وبعدين ترجعى
الكلام ده يتعمل أمتى خامس يوم الدورة
حلو
ويارب يارب يفرح قلوب كل اللى نفسه فى الذرية الصالحة
ويجعلها سبب
وماتحرمونيش من دعواتكو الصالحة
princesscarina princesscarina 35287_2.gif فتكات نشيطة Fatakat 35287 جدة – السعودية