السلام عليكم ورحمة الله وبركاته
بصوا يا فتوكات انا عندى استفسار ومهم جدااااااااااااااااا ومضايقه لانى نزلته امبارح فى قسم المحتاره وطلبت من المشرفات عدم
غلقه وبرضه قفلوه اولا هو سؤالى طبى وانا عارفه كدااااااااااااا انا مش جاهله بس انا قلت فى سؤالى ممكن اى فتوكه تكون عندها خبره من موقف مشابه اتعرضت له او حتى تكون فى دكتورة فى المدونة او فتوكه وليها حد تعرفه يكون دكتور يقدر يفدنى
ارجوكم ارجوكم تساعدونى انا فى موقف لا احسد عليه
ومعنديش مانع تردوا عليا فى اى وقت وبكره كمان هستنى الردود يمكن حد يعرف يسألى حد يعرفه ربنا يكرمكم
باختصار انا رحت من يومين لدكتور الاسنان وحشيت ضرس عندى وعندى كمان ميعاد اخر بعد يومين ولسه فى ضرسين تانيين
حيتحشوا وطبعا انتوا عارفين انى لازم باخد بنج موضعى
طب المشكله فين
المشكله انى دلوقتى ميعاد البريود على الابواب وانا حاسه بوجع جامد جدااااااااا فى جسمى يعنى على ميعاد جلسه الدكتور التانيه
اكيد البريود هتكون جت
وانا اختى نصحتنى ان فى فتره البريود بلاش اخذ بنج موضوعى عشان ميعمليش نزيف لانها اتعرضت لحاجه زى دى فى وقت كان عندها البريود وزادت بشكل كبير جدا زى نزيف وكانت اخذت بنج موضوعى والله اعلم ان كان هو دا السبب واللا لا
وانا دلوقتى مش عارفه اتصرف ازاى لو جت البريود اللغى جلسه الدكتور وهل البينج الموضوعى اثناء فترة الدورة الشهريه ممكن يسبب نزيف
على فكره انا لسه باقى لى 4 جلسات والعياده بعيده عن البيت وعايزة اخلص وملغيش اى جلسه عشان كدا سألتكم
وبعدين المشرفه قالتلى اسألى دكتورة الاسنان طب ازاى بس وهو اصلا دكتور وانا اتكسف اسأله فى حاجه زى دى
وكمان بابا بيكون معايا وبعدين هطخ المشوار على الفاضى لو طلع الكلام دا صح
وعلى فكره انا سألت السؤال لدكتورة فى المدونة ولسه مردتش عليا واتأخرت اوى
ارجوكم يا بنات تساعدونى دى اخر محاوله ليا
وبعدين انا هخرج وهركب مواصلات عارفين يعنى ايه انه يجييلى نزيف لو اخذت البنج الموضوعى
انا مكنتش عايزه اروح لدكتور عشان المواقف المحرجه دى بس بابا صمم عليه عشان دكتور كويس ويعرفه معرفه شخصيه
طب بالله عليكوا انا اسأله بعد كدااااااااااااا سؤال زى دا ازاى
انثى طفوليه انثى طفوليه فتكات متميزة Fatakat 469053 القاهرة – مصر