السلام عليكم فتوكاتى
انا الحمد لله رب العالمين مبسووطة وسعيدة ومش قادرة اوصف احساسي .. احساس حب وفرحة وخوف في نفس الوقت
مش مصدقة ان بعد الدعاء اخيرا ربنا استجابلى وادانى حمل .. الله انا حامل شيء ممتع وجميييل ومخيف
احساسي بيه وبنبضه مخلينى حسة انى طايرة في السما وكل شوية افتح موضوعات عن الحمل هنا وخايفة من لا قدر الله الاجهاض ونفسي الايام تعدى بسرعه بسرعه واولد واشيله بين اديا واشم نفسه وريحته واشوف عنيه والمس جلده ياااااااااااااااااه نفسي نفسي اووووى
الحمد لله مليووون الف ملياار مرة .. يااارب ارزق كل محرومة يارب هذا الشهر بالحمل السليم
كل احساسي وانا بدعى كنت موجهاه لربنا وقلبي كان بينادى على ربنا ليل نهار وانا بطبخ وانا نايمة وانا بصلي وانا واقفة في البلكونة ابص للسما واعيط واكلم ربنا يارب ارزقنى يه يارب محدش غيرك ممكن يوهبنى بالحمل .. يارب هذا الشهر انا وجميع بنات المسلمين
الحمد لله الحمد لله الحمد لله والف الف شكر لله
ربنا عظيم وحليم وكريم ومفيش حد احن منه ولا حتى الام والاب والزوج
ادعى ربنا من قلبك واتصدقى ولو بربع جنيه حتى بس قلبك يكون خالص لله وان شاء الله هيوهبك الحمل
احساس راااااائع يارب كلكووو تجربوه
بس بعد كل دة ودة … نفسي وبتمنى
نفسي اعرف ولد ولا بنوتة
الطفل اللى قلبي مستنيه ده وربنا رزقنى بيه اخيرا بعد اشتياق ياترى هيكون هو ولا هى
ولد يسندنى ويسند ابوه ولا بنوتة جميلة دلوعه
والله الاتنين احلى من بعض
بس قلبي مايل انى اعرف
لسة بدرى عالسونار لآنى في اول التالت
بس برضو بتمنى اعرف واروح اجيبله او اجيبلها هدوم ولعب واوضب الاودة علشانه او علشانها وافرشها بقلبي وروحى لحبيبي او حبيبتى اللى جاى
حبيت افضفض معاكو شوية بللى في قلبي
بحبكو كلكو
هو روحى هو روحى 246422_12.gif سوبر فتكات Fatakat 246422 اسكندريه العروسه (وقلب زوجى حبيبي )و رودى و احمد نور عينى – مـصـر آم الدنيا