صباح الخير على احلى فتوكات
انا امبارح قريت موضوع لفتوكة عن بدايل اللبن و بصراحة عجبنة جداااااااااااااااااااااا
و بجد تسلم ايديها
فغشيت منها الفكرة و قررت اوريكم شوية من الاكلات االلي انا بعملها لنفسي
مؤخرا في الحمل و هي تجديد حلو ينفع للعيلة كلها
اولا
عايزة اكلمكم عن الشوقان و فوايدة للحامل من اول الحمل لاخرة و الكلام ده انا قريته
ينصح الأطباء بتناول الأطعمة التي تحتوي على حامض الفوليك وذلك لحماية صحة الجنين . والشوفان يحتوي على كميات هامة من حامض الفوليك إضافة إلى العديد من الفيتامينات الأخرى " فيتامين ب1 فيتامين هـ " والمعادن " كالحديد والفوسفور والمغنيسيوم " .
فإن الشوفان يحتوي على ألياف غذائية تساعد المرأة الحامل على التخلص من الامساك المصاحب للحمل .
تناول الشوفان مع الحليب أثناء فترة الارضاع يعيد لحليب الأم خواصة الطبيعية وحتى وإن كان الحليب كافياً فمن صالح الأم المرضعة تناول الشوفان مع الحليب أو شوربة الشوفان يومياً في الإفطار أو الغذاء أو العشاء حتى يظل حليبها مغذياً دسماً يقوي بنية طفلها ويزيد من قدرته على مقاومة امراض الطفولة .
كما أن الشوفان غنى بمعدن الكالسيوم والبوتاسيوم والماغنسيوم، ويكون له فائدة أكبر إذا تم تناوله مع فيتامين (ب) المركب- حيث تفيد كافة العناصر الغذائية هذه الجهاز العصبى.
– فوائد الشوفان:
– أكل الشوفان بشكل منتظم يقلل من معدلات الكوليسترول بالدم.
– مضاد طبيعى للاكتئاب ويعطى إحساس بالهدوء. كما أنه يعالج حالات الاكتئاب والقلق والاضطرابات العصبية.
– تناول طحين الشوفان غير المعالج بشكل منتظم يقلل من الضغوط، بينما الشوفان المطهى يعالج الإرهاق.
– نتيجة لاحتواء الشوفان على نسب عالية من الألياف، فإن من خواصه الإيجابية حماية الشخص من الإصابة بسرطان الأمعاء.
طيب ازاي بقى ندخله في الاكل
اولا الشعيرية باللبن او رز بلبن مهلبية ضيفي عليها الشوفان
و ده كان فطاري النهاردة
شعيرية باللبن و الشوفان
حمرت الشعرية و زودت اللبن و معاه مستكة و عود قرفة و و 3 معالق شوفان و ده لمقدار كوب شعيرية
و فضلت ازود لبن و ظبطت السكر .. لحد ما استوت المكرونة
و زينتها بصوص الشكولاتة و التشوكليت تشيبس
تاني وصفة الكحك بعجوة للي ملهاش تقل انها تحضر لنفسها اكل و طبعا مش هنتكلم عن فوايد البلح وممكن تغيري الحشو بجبن
المقادير
كوب دقيق.رشة ملح . 2معلقة كبيرة زبدة سايحة. 2معلقة كبيرة شوفان .معلقة سمسم .نص معلقة صغيرة بيكينج باودر .معلقة صغيرة لبن بودر.لبن و ماء دافئ للعجن
الحشو 3معالق عجوة .2معلقة زبدة .قرفة
هنخلط الدقيق و المكونات الجافة مع الزبدة السايحة و بعدين نعجن بالماء و اللبن و نسيب العجين ترتاح 10 دقايق في الوقت ده نحضر الحشو نسيح العجوة مع الزبدةة و القرفة ع النار
نحشي الكحك و نرصة و ندخله فرن سخن لحد ما لونه يبقى دهبي فاتح ..1 كوب =20 قطعة
تالت وصفة الشوربات
شوربة الفراخ بالشوفان و الخضروات " وصفة دايت "
المكونات
1 كوسة – بطاطس – جزر – كرفس فرنساوي (عود واحد ) – كرات ( عود واحد ) فاصوليا – بسلة – بصلة صفيرة – بروكلي – صدور فراخ مكعبات – 3 معلقة كبيرة شوفان – معلقة صلصة
الطريقة
هنشوح البصلة مع الفراخ شوية و بعدين ننزل بالجزرو الكرفس و ده بقى اسمه بوكيه جرانيه ممكن يتحط في اي شوربة و يغير نكهتها تماما و بعد كده هنضيف بقيت الخضار و نقلبه لحد ما يبدا ينزل ميته و يعدين نضيف المية و نسيب كله يستوي مع بعضه
خلاص الخضار استوى ضفي ملح و فلفل و ورق لورو و حبهان
قبل ما تطفي النار خدي الشوفان و معلقة الصلصة و دوبيهم في كوباية شوربة و بعدين حطيهم في الحلة ياخدو غلوة و بعدين تضيفي الكرات و ورق الكرفس و تطفي و بس دوقي احلى طبق شوربة و على ضمانتي
شوربة كريمة المشروم برضو بضيفها عليها الشوفان و بتبقى حلوة جدا
انا لسه عندي وصفات كتير لو شجعتوني هنزلها
ياريت متنسوش التقييم و تدعيلي ربنا يكملي حملي على خير و يخفف تعبي
سلامو عليكو
Menna Hany Menna Hany images/avatars/pacifier.jpg فتكات هايلة Fatakat 681754 بورسعيد – مصر