ازيكوا يا عرايس عاملين ايه ؟؟!
انا بدور فى موضوع الأجهزة الكهربائية من زمان
لما دوخت و دماغى ورمت
و هقولكوا خلاصة تجربتى و الحاجات اللى كانت الأراء مبتختلفش عليها
الحاجات دى اللى ان شاء الله استقريت عليها
لانى مش بحب اجيب حاجة الا لما اقعد أسأل كويس اوووووووووووووووى قبلها
قبل ما تقروا الموضوع
اوعوا تنسوا
ها
التقييـــــــــــــــــــــــــــــــــم
بصو بئة
الثلاجة
بالترتيب كدة
لسة محتارة بين وايت ويل و سامسونج
وايت ويل (مشوفتش منها شكاوى غير ان السعر شوية غالى )
سامسونج( خامتها حلوة جدا بس برضو سعرها غالى شوية )
توشيبا (ناس اشتكت ان الرفوف بتتكسر و بتسخن من الاجناب )
اياكوا و ايديال او كريازى فى شكاوى كتير منهم
البوتجاز
بوتجاز المصانع الحربية
(دة اللى انا عايزة أجيبه ان شاء الله )
(مفيش ولا حد اشتكى منه على الاطلااااااااااااااق زائد ان سعره حلو جدا بيعيــــــــــــــش و كل حاجة فيه سواء شواية او فرن او شعل محدش اشتكى منها )
اللى بعده بوتجاز كريازى القديم
(عيبه انه غالى شوية و الشواية و الفرن مش بيشتغلوا مع بعض و فى ناس بتقول الجوانب بتاعته ضعيفة )
اللى بعده تكنو جاااز
( هوة مش مشهور اوى بس مفيش شكاوى منه خالص )
اياكوا و يونيفرسال فى شكاوى بالهبل منه
بالرغم ان فى ناس لسة بتشكر فيه
بس اعتقد الناس دى اللى جايبينه من زمان
الغسالة
توشيبا الفوق اتوماتيك (دى للى انا ناوية اجيبها ان شاء الله هية او وايت ويل )
(محدش اشتكى منها خالص و سعرها كمان تحفة عيبها انها ملهاش وصلة مياه سخنة
و ممكن تتحل بانك توصليلها وصلة من السخان و سمعت ان فى منها موديلات فيها مياة سخنة مش عارفة الكلام دة حقيقى و لا ايه)
غسالة وايت ويل
(الأوبشنز اللى فيها و المكانيات تحفة و سهلة فى الاستخدام
و كمان بتنضف كويس دى أراء اللى جابوها)
غسالة ال جى فول اتوماتيك
(كتير بيجيبوها شكلها تحفة و سعرها كويس بس خدوا بالكوا سمعت ان قطع غيارها غالية)
غسالة سامسونج
(مش كتير جايبنها بس كل اللى جابوها مفيش شكاوى منها خالص)
فى شكاوى كتير اوى من وايت بوينت و كريازى خدوا بالكوا
الميكروويف
(لتسخين الأكل فقط متتوقعيش منه يسويلك حاجة)
سامسونج
و
وايت ويل
(الاتنين مفيش منهم شكاوى فهشوف اللى شكله احسن و سعره احسن و اجيبه)
غسالة الأطباق
وايت ويل
( مفيش منها شكاوى وفى منها 3 أحجام كبير ووسط و صغير و الوسط هوة اللى انا عايزة اجيبه بس قليلة اوى فى السوق )
ايديال
(كتير بيشكروا فيها برضو و مفيش منها شكاوى)
نصيحة متجيبيش من اى نوع غسالة أطباق الحجم الصغير لان ملهاش لازمة مبتغسلش الحلل و بتاخد عدد أطباق قليل
فرن الكهرباء
للناس اللى مش عايزة ميكروويف
احسن ماركة متوفرة فى مصر وااايت ويل
لو هتجيبى غير كدة
قالولى اهم حاجة ميكونش مصرى و يااااريت لو تركى
الماركات مش عارفة بصراحة محدش قالى ماركة معينة تركى
الكيتشن ماشين
براون
(محدش اشتكى منها بس الألمانى الأصلى منها ب 3000 اللى هتلاقيها ب 900 او اقل او اكتر حاجة بسيطة مش ألمانى )
مولينيكس
(كلوا بيشكر فيها محدش قال عليها حاجة وحشة بس هاتى الفرنساوى الأصلى برضو لان فى منها تجميع مصرى )
كيينوود
(بصوا انا كنت مقتنعة انها احسن من الاتنين اللى فوق بس ايام ما كانت اتحاد اوروبى لكن دلوقتى كل اللى فى السوق منها صيــــــــنى و غالية مش رخيصة و خدى بالك الصيانة و قطع الغيار مش أد كدة لأن مش بقالها كتير فى السوق)
كدة خلاص يا قمرات
اوعوا تنسوا التقـــــــــــــــــــــــــــــــييم
أمة الله سارة أمة الله سارة سوبر فتكات Fatakat 126963 الاسماعيلية – مصر