السلام عليكم احبتي
ههههه للتشويق
نبدا بسم الله
هانجيب 3 حبات بطاطس تكون محترمه كده ونسلقهم نصف سلقه انا حطيت معاها وهي بتتسلق معلقه كركم عشان يديها لون جميل والكركم مفيد للحميه والريجيم وكمان الوصفه ديه تنفع للريجيم والدايت واللي عنده مشاكل في الحاجات المقليه وطبعاهانضيف كمان ذره ملح
وهانعمل الخلطه البسيطه دي معلقه صلصه معلقه زيت زيتون ومعلقه لبن ونقلب
ونجيب فرشه وصينيه ونرص البطاطس وندهنها بالفرشه من الخليط كويس
وتحت الشوايه في الفرن ونحطه لحد ما يتحمر كده
وممكن نعملها اسياخ زي الشيش طاوووق
ده لو حابه تقلبي تحت الشووايه بس الصينيه اسهل
وشويه حركات للتقديم
يابنات الطعم فعلا خراااااافه وعجب زوجي جدا وقالي زي بتاع المطعم بالضبط وقالي اعمليها ع طول وبلاش تقلي بطاطس تاني خااااااالص بجد احلي من المقليه بصدق وصحيه اكتر منها طبعا
ووكمان بسيطه ومش مكلفه كل ما كترت المكونات بيتوه الطعم الاصلي للحاجه يا جماعه الاكل ثقافه ياريت نغير ثقافتنا في الاكل وثقافه عيالنا ونتجه للاكل الصح المفيد والصحي وشويه شويه هانتعود عليه ومش هانقبل غيره بحبكم في الله واسألكم الدعاء مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله
سبحان الله و بحمده