صباح الخير علي الحلوين
جيبالكو النهارده طريقه جربتها بالصدفه بس طلعت حلوه قوييييييييييييييي كنت في يوم عايزه اكل بطاطس بس زهقت من المقليه فجربت الطريقه دي من افتكاسي الخطوات علي طول عشان مضيعش وقتكو:
جيبي كميه البطاطس الي انتي عايزه تكليها وقطعيها صوابع بس اتخن شويه من الصوابه المقليه
طبعا اغسليها وحطيها في ميه علي النار وحطي في الميه البهارات الي انت عايزاها انا عن نفسي حطيت شويه فصوص طوم مكسرين كده مش مطحونين وفلفل اسمر وشويه ملح وكمون وكزبره ناشفه واهم حاجه ادتها طعم رهييييييييييييييييب بهارات فراخ وكمان شويه كاري عشان اللون
طبعا معلقه صغيره من كل حاجه مش كتير
وسبتها علي النار لحد اما قربت تستوي وخدي بالك لازم تبقي لسه مستوتش تماما عشان تكمل سواها في الفرن
نسبها تيرد وبعدين نجيب صاجه او صينيه فرن كبيره ونحط عليا البطاطس ونرش عليها شويه زيت وملح وشويه بقسمات صغننين ولو معندكيش بلاش بقسمات
نقلب البطاطس كويس لحد اما نحس ان كل بطاطسايه متغلفه بالزيت والملح هتلاقو ان البطاطس اتكون عليها طبقه كده شبه الفرفيت
حطيها في الفرن علي درجه عاليه في الرف القريب من الارض ورقبيها واول اما لونها يتغير قلبيها بالراحه او ارفعيها وشغلي الشوايه المهم ان البطاطس هتبقي لون الفرسكس الي بنجبها من المحلات مقرمشه من بره وليها طعم عامل زي طعم شيبسي الفراخ وبجد تحفه ومفيهاش زيت كتير
ايه رايكو جربوها بس تردو عليا مواضيع هذا القسم برعاية
صاحبه القصر صاحبه القصر 390788_2.gif فتكات هايلة Fatakat 390788 القاهره – مصر
سبحان الله و بحمده