السلام عليكم يا احلى فتوكات
من شوية بتفرج على برنامج منال العالم لقيتها عاملة بطاطس بان كيك واستغربت لانها عاملاها بنفس الخطوات اللى انا كنت عاملاها قبل كدة من كام سنة ومنزلاها فى مدونة تانى ونسيتها بس هية كانت حشياها وده الاختلاف
وقلت اعمل بحث .. لقيتها انتشرت جدا وبنفس صورى
طبعا انتو عارفين خلاص مطبخى واسلوبى يعنى اكيد مصدقينى
الطريقة اصلا اكلتها مرة من مطعم ايطالى وعجبتنى فحاولت اعملها بطريقتى ونزلتها على النت
النهاردة قلت فتكات اولى بيها فكتبت اسمى عليها وظبتها نزلتهالكو يا رب تعجبكم
وماتنسوش التقييم
معلش على الرغى ده بس اصلى اتضايقت
بان كيك البطاطس
نوع من المقبلات الذيذة والمحببة للجميع
وممكن تستبدلى البطاطس بالكوسة بتكون ايضاً روعة
المكونات
3 حبات بطاطس
ملعقة عصير ليمون
بيضة .. وملح وفلفل وكمون وزعتر – التتبيل حسب الرغبة-
ربع كوب دقيق
بقدونس
بصل اخضر
زيت للقلى
الطريقة
تقشر البطاطس وتبشر وتغسل جيداً حتى يصير لون الماء صافى
كما هو موضح بالصورة انا استعملت محضرة الطعام للتسهيل
ثم يصفى البطاطس وتوضع فى فوطة نظيفة وتعصر جيدا حتى نتخلص من الماء تماما
ثم ترش بقليل من عصير الليمون حتى لا يتغير لون البطاطس
يقطع البصل الاخضر والبقدونس صغير جدا
وتخلط جميع المكونات جيدا حتى تصير قوامها مثل البان كيك
يسخن الزيت على نار متوسطة فى طاسة واسعة وتصب الخليط بالملعقة
ويساوى حتى يكون اقراص رفيعة
وتقلب عند احمرارها وتخرج على ورق نشاف حتى تتخلصى من الزيت الزائد
وبالهنا والشفا
اوعو تنسو التقييم احسن ازعل منكو مواضيع هذا القسم برعاية
rodi4882 rodi4882 23249_2.gif فتكات غالية قوي Fatakat 23249 New York – U.S.A
سبحان الله و بحمده