السلام عليكم ورحمه الله وبركاته
جيبالكم وصفه بطاطس محمره من تاليفى انما طلعت تحفـــــه
بصو ياا بنانيت هنجيب
4 بطاطس مسلوقه 2 بيضه بلدى
بقدونس +فصين توم +فلفل وملح وكمون وحته شطه صغننه
فيجيتار
زيت للتحمير بصو يا قمرات هنجيب خلاط عادى او كبه اى حاجه عندك وبعدين هنحط البيض مع البقدونس وفصين التوم ورسه ملح وكمون والشطه مع بعض وضربتين فى الخلاط وبعدين تنزلى عليه بقطع البطاطس ويتفرمو سوا كويس
ونكون حاطين زيت على النار يفضل غزير وسخن موحوح وبعدين تصبعى البطاطس صوابع او دواير او قرص زى ما تحبى وممكن تشكلى عادى ملحوظه(بلى ايدك ميه عشان مش تلزق فى ايدك وانتى بتصبعيها)
وبعدين تحطيها فى الفيجتار وعلى الزيت وتخلى النار موسطنه عشان تطيب هتلاقيها بتفنش وتتحمر تبئى دهبى كدا
بتبئى كرسبى ومقرمشه من بره وطريه وطعمه من جوا .. العيال عندى حبوهاا اوى وعاوزنى اعمل منها كل شويه .. لو عندك اطفال هيعشقوها
واحلى حاجه فيها انها مش بتشرب زيت وبتبئى خفيفه
جربوها وادعولى بالستر والصحه وحسن الخاتمه
مواضيع هذا القسم برعاية
لوزه العضاضه لوزه العضاضه 1208678_12.gif سوبر فتكات Fatakat 1208678 مدينه المنصوره – مصر