ازيكو ياقمرات يارب تكونو في اطيب حال يارب
موضوع النهارده بسكوت بالينسون
حسب طلب الاخت
نعمه من ربي
بس معلش اتاخرت عليكي ياقمر يارب ماتزعلي مني
ظروق الحمل مش مخلياني اعمل حاجه خالص
نبدا بسم الله
(المقادير )
٢ بيضه
كوب دقيق
ربع كوب زيت
تلت كوب سكر
نص م فانليا
معلقه لبن بودر
نص معلقه بيكنج بودر
نص معلقه حبه البركه ( بس انا محطتش )
معلقه ينسون
نص شمر
(الطريقه )
باسهل مايمكن ان شا الله
نضرب البيض الاول وبعدين نضيف السكر والفانليا وبعدين لما السكر يدوب نضيف الزيت
ده البيض لما ضربناه مع السكر والزيت والفانليا وبقي جاهز
ونخلط الدقيق مع الشمر والينسون وبقيه المقادير
ونضيفه تدريجي علي خليط البيض والسكر ونقلب بالمعلقه لحد ما يتجانس
ونحطه في قالب لحد ما يستوي بياخد حوالي ٣٠ دقيقه علي حراره ١٨٠ ونختبر سواه زي الكيكه
وبعدين لما يبرد خالص نقطعه شرايح حسب الرغبه ونرصه في صنيه
تحت الشوايه لحد ما يتحمر ونقلبه عالناحيه التانيه كمان لحد ما تتحمر وبعدين نطلعه نسيبه يبرد وبعدين بالف هنا يكون قرمش
تعالو نشوف التقديم
متنسوش التقييم حبايبي
يارب يكون الموضوع عجبكو
مواضيع هذا القسم برعاية
امواج دافئة2016 امواج دافئة2016 420173_23.gif شيف فتكات Fatakat 420173 الرياض – السعوديه