السلام عليك يا فتوكاااااااتي
معلش سؤال صغنن بس بالله عليكم ضروري جداً…
أرجو اللي متعرفش او مكسلة تقرا الموضوع تدعيلي دعوة حلوة ترفع الموضوع عسى حد يفيدني…
أنا عندي مشكلة:
* لما اكون في مكان والناس درجة حرارتهم عادية والجو بالنسبالهم حر أنا بالنسبالي باكون بردانة جداً… وساعات فجأة جسمي يبقى دافي وفجأة بردانة… ده بمعدل ممكن نص ساعة كده ونص ساعة كده
الحاجة التانية بقى اني طول الوقت اللي جسمي فيه دافي بتكون كفوف ايديا ورجليا باردين جداً لدرجة لا توصف… وأحياناً كتير جداً بتعرق كمان وهي باردة اوي كده…
عندي اصفرار شوية فيهم… ومهما لبست جوانتي مفيش فايدة…
ييجي عليا وقت جسمي دافي وهاخد دش مستحملش المية السخنة باحس بنار مولعة في ايديا ورجليا لانهم باردين جداً ولما بينلوا تحت المية السخنة بيولعوا بطريقة صعبة اوي وباحس كإني ملسوعة فيهم
وده بيسببلي ضرر كبير لإني دايماً بابقى ماشي ايدي في جيوبي ومبعرفش اشيل حاجة بسبب البرد ده في ايديا..
زي باقي المصريين مشاكل مع الأنيميا لكن خفيفة مش حادة يعني
عندي مشكلة في النبض على كلام الدكتور نبضة مزدوجة ونبضة فردية يعني زي كده رسم القلب
—— — ——- — ——- —
رسم القلب شبه كده بالظبط وده بيأثر في النفس أغلب الوقت بانهج خاصة وانا ماشية
عندي مشكلة كمان في ضهري لما بامشي أو بانشر الغسيل تحت لوحين الكتف بالظيط بيبقى وجع لا يحتمل وباضطر ارجع لورا بضهري جاامد عشان احس بشوية راحة وارجع اكمل اللي باعمله
ولما بوطي بانهج جداً وضهري بيوجعني
معلش باقولكم كل ده يمكن فيه علاقة ما بينه وبين البرودة دي
آخر حاجة بقى كتير باحس مش بدوخة لكن شبه الدوخة… باحس إني جسمي تقل وعشان ارتاح باسيب نفسي اقع على السرير بافضل مرمية كده حوالي 5 دقايق مبتحركش بس واعية وباخد نفس جامد بعدها واقوم لما احس ان جسمي خف شوية من التقل
بتجيلي رعشة من اخر العمود الفقري بتطلع لحد دماغي من ورا لقدام بس دي بقت فترات متباعدة اوي
باعمل رياضة ولما باكل بابقى برضه بردانة…. بالرغم من اني المفروض اسخن عشان عملية حرق الأكل
نسيت اقولكم ان شغلي كله على الكمبيوتر…
أرجو ألاقي تفسير عندكم بليز هل يستدعي الامر اروح للدكتور؟؟؟
لان فعلاً البرودة دي تعباني اوي
أرجو اللي متعرفش او مكسلة تقرا الموضوع تدعيلي دعوة حلوة ترفع الموضوع عسى حد يفيدني…
البندر البندر 672397_4.gif ممنوعة من المشاركة Fatakat 672397 Cairo – Egypt