ان شاء الله مكملين فى حملتنا لبرمجة عقلنا
بس ان شاء الله تكون برمجه صح علشان نقدر نستمتع
بحياتنا صح وكل دى فى اطار الشرع والدين
اه قبل مبدا عاوز ة انبه لحاجه صغيرة ياريت اللى لسه مش عندها ثقه بنفسها
ترجع تانى تقوى ثقتها بنفسها وترجعلنا تانى لان اهم شئ فى الشخصيه الاجتماعيه
هى قوة الشخصيه
طبعا الكل بيبقى نفسه يكون اجتماعى ومحبوب من الناس ويتكلم مع ده ويرغى مع ده
ويبقى من الاخر اشهر من النار على العلم صح
طيب تيجو نبدا واحده واحده
انت ليكى عنين صح يعنى بتشوفى الواحده اللى بيتقال عليها اجتماعيه بتعمل ايه
ياعنى ممكن ببساطه قوى تقلدى بس انا مش بحب الاسلوب ده لان كل واحد له شخصيته وله اسلوبه
فى الكلام واسلوبه فى الهزار وله تربيه خاصه اترباها ونشا عليها
يبقى اعمل ايه؟
اكون نفسى ودى نقطه البدايه
بلاش تقليد بلاش اشوف فلانه بتتكلم ازاى واروح متكلمه زيها
مثلا ياعنى ممكن واحده تكون بتكلم واحده اكبر منها بدون القاب ولا مجاملات مجيش انا اعمل زيها لانى ببساطه لسه مش عارفاها ولا هى عارفانى فلازم يبقى فيه نوع من الاحترام وواحده واحده هتلاقى الفواصل بتتشال لوحدها
لازم اكون نفسى
ياعنى بلاش تصنع اتكلمى براحتك خالص اكنك بتكلمى اختك او مامتك او باباكى او اخوكى
فاهمانى بس دى برده مع مراعاه اداب الحديث ياعنى معلشى ممكن فى البيت اقول لاختى انت اهبله مروحش اقول انا مش هتصنع وروح راميه اللى قدامى بحتته طوبه واقول لولو اللى هو انا قالت بلاش تصنع
لسه نصايح كتير بس اسيبكم دلوقتى مع الشويه دول ولو عجبكم الموضوع ان شاء الله نكمل
اترككم فى رعايه الله
سبحان الله وبحمده سبحان الله العظيم سبحان الله وبحمده سبحان الله العظيم 346543_2.gif سوبر فتكات Fatakat 346543 فتكات – السعوديه