اهلا وسهلا بأحلى فتوكات .. النهاردة جربت البرجر بس بلحمة مختلفة شوية عن اللى بنأكلها دايما
وهى اللحم الجملى تعالوا نعرف ازاى بس الاول ………نصلى على خير الانام
انا عملت الكيزر بيتى والبرجر بردوا
طريقققققققققة الكيزر
المقادير 3كوب دقيق
نص كوب قشطة
معلقة كبيرة جميرة
معلقة كبيرة سكر
ذرة ملح نص معلقة بيكينج بودر
كوب لبن دافئ
يخلط الدقيق والسكر والخميرة والبيكينج والملح مع بعض ثم تضاف القشطة ويضاف اللبن بالتدريج الى ان تصبح العجينة متماسكة ولينة ….ثم تترك لتختمر
بعد كده هاقطع الكيزر ويترك ليختمر
وده شكله بعد ما اختمر
بعد ما يختمر ويتضاعف حجمه ذى الصور هاندهن وشه بيض مع شوية قهوة مضروبين مع بعض
وندهن بيه وش الكيزر ونرش السمسم فوقه ويدخل الفرن
وده شكله بعد التسوية
فى اثناء ما بيختمر العجين .. هاجهز اللحمه عشان البرجر
المكونااااااااااااااااااااااااااااات
لحم جملى حوالى 400 جرام
بيضة 3 معلقة كبيرة بقسماط
زعتر فلفل اسود ..ملح
بصلة مفرومة معلقة صغيرة توم مفروم
قرفة جنزبيل ..ملعقة صغيرة
وده شكل اللحم الجملى
هاضيف التوابل على اللحمة واقلبها
بعد ما اقلب التوابل اضيف البيضة
بعد البيضة اضيف البقسماط وتبقى البرجر جاهز وده شكله
هاشكل البرجر دواير ذى اللى بتشتريها وارصها فى صنينة مدهونة زيت
واعمل حسابى اللحم الجملى بتبقى فيه نسبة دهون عاليه .. فحاولى تكبرى شكل البرجر بتاعك عشان هايكش
بعد كده ادخلها الفرن لحد ما تستوووووووووى حوالى 15 دقيقة بتكون جاهز
بعد البرجر ما يستوى والكيزر استوى
هاجيب الكيزر واقطعه نصفين واحط مايونيز {اختيارى } فى الكيزر
وهاحط مع اللحم الحاجات دى
وهاحط مع البرجر بتاعى ترنشايه بصل طماطم فلفل وشريحة رومى طبعا دى ها تتحط فوق اللحمة عشان تسيح من سخونتها ..ويقدم بألف هنا
وبعد ما خلصنا لا ننسى مصر من صالح دعاؤنا
{ رب اجعل هذا بلدا امنا وارزق اهله من الثمرات }
بس تنبيه صغير لفتت انتباهى ليه اخت فاضلة لا تنسوا الوضوء اذا اكلتم لحم الجمل كما امر بذلك خير الانام صلى الله عليه وسلم
مواضيع هذا القسم برعاية
لورا بيسان لورا بيسان 812709_29.gif فتكات غالية قوي Fatakat 812709 بيتي – egypt