طبعا كلنا بنحب الجبنه الكوبيات او الجبنه الكاسات وانا اولكم لكن سعرها بقى غالى زي كل حاجه ففكرت ازاي ممكن اعملها ف البيت وقعدت امخ مخ كده لحد ما التفكير جاب نتيجه
جوزي انبهر بيها اوي ومكانش مصدق انها معموله فى البيت
و علشان بحبكو قولت لازم الخير يعم عل الفتوكات
وكلهم يعرفوا الطريقه ويعملوها لأولادهم يمكن يدعولى دعوه حلوه ربنا يستجبها من واحده فيهم
المهم مش هطول عليكم هنزلكم حالا صور الحاجات اللى هنحتاجها
علشان نبدأ بأذن الله
هنستخدم علبه كامله جبنه مثلثات انا استخدمت لافاش كيري
نصف الكوب اللى امامكم ده مليته لبن ودى الكوبايه الصغيره لو معندكيش استبدليها بأي كوب صغير
حطى النصف كوب لبن مع ال8 مثلثات جبنه فى طبق على النار فى الصوره انا حطه4 بس رجعت حطيت 4 كمان
بالشوكه افري الجبنه كويس وقلبى لحد ما الجبنه تدوب واللبن يغلى كويس اهم حاجه التقليب وتكون النار منخفضه مش عاليه
الصور هتوضح
ننزل الخليط من على النار ونقلب فيه كويس لحد ما حرارته تهدي كده ويبرد
نجيب علبه قشطه انا بستخدم النوع ده
نحطها معلقه معلقه على الخليط ونقلب كويس لحد ما يتجانس مع بعضه
لو لقيتى فيه لسه قطع جبنه صغيره ممكن تصفيه كويس بمنخل او تضربيه ف الخلاط براحتك انا بصفيه
وهنا صوره توضح الكثافه بتاعت الجبنه فى المعلقه
المقادير دي عملت معايا الكميه دي
شويه ملاحظات مهمه
انا مستعملتش ملح خالص فى الموضوع والطعم طلع مظبوط اوي
لو عاوزه الجنبه تكون بالشيدر بطعم الشيدر ممكن تضيفى معلق جبنه شيدر مبشوره للبن والجبن المثلثات وهما على النار
وبالنسبه للتوفير اهى عملت علبيتن
ولو عاوزه تسهلى عل نفسك شويه حطى الجبن المثلثات واللبن فى الخلاط الاول قبل ما تحطيهم على النار وده هيخلى الامتزاج اسهل بس انا معملتش كده لان الكميه كانت قليله ومش مستاهله
وقسم احاسب عليه انها والله العظيم طلعت زي بتاعت بره بالضبط
يارب الموضوع يعجبكم وعاوزه تقييم حلو كده واللى عندها اي سؤال انا تحت امرها
مواضيع هذا القسم برعاية
سنه الحبيب سنه الحبيب images/avatars/illuminated.gif سوبر فتكات Fatakat 264678 مع زوجى – مصر