السلام عليكم ورحمة الله وبركاته
من العنوان باين المشكلة بجد زهقت وتعبت من الاكل
انا حامل فى الشهور الاولى مكنتش بطبخ كتير لانى طبعا كنت قرفانة من الاكل ومفيش اكلة اعملها متظبطش معايا وارميها زى مهى فى الزبالة
دلوقتى الحمدلله وربنا يتممهالى على خير وعقبال كل مشتاقة بقيت فى الخامس ونفسى مفتوحة للاكل تعالوا بقا نشوف المشكلة فين
اللحوم من بعد الحمى القلاعية كنت منعها ومقضيها فراخ ويوم مفكرت اجيب لحمة الاسبوع اللى فات نزلت مزارع دينا اللى فى مدينة نصر كنت قبل مرض اللحمة بجيب منها حلو بس للاسف اللحمة اللى جبتها منها بتاخد سواء ممكن تاخد 3 ساعات فى السلق او الطبيخ واللحمة المفرومة عملتها كفتها اول مابردت اسوووووودت جامد معرفش السبب انا نفسى اكل لحمة بلدى نضيفة ومش عارفة اجيبها منين ولما بنزل الماركات كارفور وسعودى والكلام دة مسافة معدى من قدام تلاجة اللحمة واشم ريحتها بتجيلى قرفة من العفونة
نيجى للخضار على طول دبلان ولما بجيب الكياس المجمدة بلقيها مسخة جداااااااااااااااااااااااا وملهاش طعم
وزهقت من كلمة كل يوم هناكل ايه مبعرفش اجدد خالص مفيش غير المكرونة والبطاطس اسهل حاجة كل شوية اعملهم
نفسى بقا اطبخ زى زمان انا زهقت من الاكل الجاهز ومش مفيد لحملى
مواضيع هذا القسم برعاية
yaso rose yaso rose فتكات متميزة Fatakat 302866 القاهرة – مصر