انتو وحشتوني قلت اكتب اي موضوع عشان اتسلي معاكم
فقلت اقولكم علي طريقتي في الشوربه
طبعا زمانكم بتقولو ايه البت المهبوشه دي هي الشوربه ليها طريقه
ايون مع انوس مافيش مستحيل
المهم انا لما بجي اعمل لحمه او فراخ
بحط زيت او اي ماده دهنيه
وممكن من غير خالص اخف واحلي
تسيبي الحله تسخن
وتقومي هوب نازله ببصله حلوه كدا وبالفراخ او اللحمه عشان تاخد صدمه وعليها ورق لورا وحبهان ومستكه وكرفس بيخلي الشوربه روعه وكمان جزر
وطماطمايه تقطعيها نصين وتعصريها بايدك وتحطيها برضه في الحله
وبهاراتك زي ماتحبي وتغطي وتهدي النار ياخدو ويدو ادي مع بعض وتنزل ميتها وتزودي بقي ميه
وياسلام لو في حله ضغط بتبقي الشوربه مركزه وجميله
المهم لو مش هعمل حاجه بالشوربه بشيلها في الفريزر
هتعملو ايه بقي
لو عايزه بشاميل ممكن تعملي بكبايه لبن وكوبايه شوربه نص ونص يعني
ممكن لو هتعملي في يوم كباب حله اهي الشوربه موجوده بدل ماتزودي ميه ع اللحمه زودي شوربه هتبقي خطيره وكمان للرز
لان جوزي مش بياكل غير الرز حبايه وحبايه ولازم متشرب بشوربه
بعملها للمكرونه
وانا بضرب الطماطم في الخلاط مش بحط ميه بحط شوربه
ممكن لو في يوم عزومه وهتعملي اصناف
وعندك في الفريزر شوربه هتنقذك للمحاشي او الرقاق والملوخيه ولسان العصفور كل دي حاجات هتحتاج شوريه
لو يوم مكسله تطبخي وهتعملي شوربه العدس بتبقي حلوه بالشوربه
لو هتعملي فراخ في الفرن زي كدا النهارده عملت صينيه بطاطس بالفراخ وزودت عليها كبايه شوربه احسن من الميه
وقيسي علي كدا اي خضار باميه فاصوليا هتزودي الصلصه بشوربه
شفتو بقي موضوع مفيد ازاي سقفولي ياله
شايفاكي ياللي بتضحكي وهاجي اقفشك من قفاكي واعلقك من رجليكي
مواضيع هذا القسم برعاية
انوس_مونتي انوس_مونتي 429733_1.gif برنسيسة فتكات Fatakat 429733 المدينة المنورة – السعودية
سبحان الله و بحمده