السلام عليكم و رحمه الله و بركاته
ازيكوا ياقمرات المدونة
طبعا كلنا فى القسم ده جايين عشان نظبط نظام اكلنا و عاداتنا الخاطئه
كلنا عاوزين يبقى عندنا حماس و نقدر نخس بجد
بس انا حابه انى اخص الجروب ده
العضوات اللى يعانوا من مرض انخفاض الغده الدرقيه
و انا منهم طبعا
و اللى بتسبب خمول و كسل فى كل اعضاء الحسم
و بالاخص جهاز الحرق
يعنى كل الدهون اللى بتدخل بتفضل جوه
مش بتتهضم
و بالتالى زياده ماتتوصفش فى وزن الجسم
مش حاقدر اقول اننا عاوزين فى الجروب ده نعمل رجيم و نخس جااامد
لان مهما تعبتى و بذلتى من جهد
حكايه ان جهاز الحرق مش بيشتغل بكفاءه بياثر على اى مجهود
بس خلينا نقول اننا نشجع بعض على نظام غذائى صحى و متوازن
ازاى اننا نحاول نشرب السوائل اللى تدوب الدهون و نشجع بعض عليها
ازاى اننا نعود نفسنا على اكل صحى خفيف و مايكونش فيه دهون كتيره
و بكده وزننا مش حايزيد اوى
عاوزين كمان نتكلم فى ابسط الرياضات اللى ممكن نعملها فى البيت
لو معندناش جهاز رياضى
او مش عندنا وقت نروح جيم او نمشى
افكار و كلام كتير ممكن نقوله هنا و نشجع بعض عليه
ياريت الكل يدخل و يشارك
و يا ريت الطبيبات اللى فى القسم هنا
يدخلوا و يقولولنا رايهم
فى انتظار كا اراءكم و تعليقاتكم
dodosama dodosama سوبر فتكات Fatakat 36003 المنصوره – مصر