لا اله الا الله وحده لاشريك له له الملك وله الحمد يحيي ويميت وهو على كل شيء قدير
كل فترة كده بنزهق من الاكل وبنحب نغير ولو يوم في الشهر ناكل فسيخ او رنجة اوسردين وبما اننا قربنا من شم النسيم فقلت اعرض عليكم طريقتي في تمليح الفسيخ
انا اقولكوا طريقتي في تمليح الفسيخ بعمله وبيطلع جميل وبيبقي نضيف من غير
شمس ولا ميه سخنه ولا حاجات من اللي بتجيب الامراض
اول حاجه تجيبي سمك بوري بس يكون مش رفيع يكون تخين
وبعد كده تغسليه بميه عاديه وبعدين تحطيه في مصفاه يصفي ميته لمده خمس او
ست ساعات
بعد كده تجيبي (ملح خشن وشطه حمرا ناشفه ومعاهم شوية كركم ومعاهم شوية دنكير اللي بيمنع تكون الدود) الكركم بيديله لون اصفر جميل
حلو مصفر كده والكركم اختياري لو مش عاوزاه بلاش واخلطيهم علي بعض وتكون
الشطه اقل طبعا من الملح بكتير يعني 3 او 4 ملاعق شطه
وبعدين احشي راسه كويس جدا جدا وتجيبي كيس نضيف وتحطي في ارضيته راقة
ملح بالشطه بالكركم وترصي السمك عليه وبين كل طبقة سمك وسمك تحطي ملح
بالشطه بالكركم زي تمليح السردين واقفلي علي الكيس كويس وحطيه جوه حله
وغطيه
,, بعد يومين هيطلع ريحه مش لطيفه اوي بس متقلقيش منها عشان كده من الافضل
انك تحطيه في البالكونه وافتحي عليه بعد اسبوع نضفي بطنه واقفلي عليه تاني
وبعد 10 ايام هتلاقيه فسيخ ان شاء الله وانقليه في التلاجه عشان يتحفظ وبالف هنا
ملحوظة لو بتحبيه مالح افتحي عليه بعد اسبوعين او اكتر
لو هادي ومش حامي كليه بعد 10 ايام
وبالف هنا وشفا
متنسونيش بالدعاء والتقييم
من مواضيعي المميزة:
كيف تدخلى مجال البورصةوتديري اسهمك من المنزل ياريت نخليه متجدد في الاستثمار و اخبار الاقتصاد
عندك ديب فريزر جميل تعالي معايا نعرف طريقة حفظ كل الماكولات فيه ونخليه مواضيع هذا القسم برعاية
ام محمود2017 ام محمود2017 188732_3.gif امبراطورة فتكات Fatakat 188732 في دنيا الله الرحمن الرحيم – مصر 01094035920