السلام عليكم ورحمة الله بركاته
حبايبى الفتوكات المخنوقات والمغتربات واللى شيلين الهم لدرجة اننا مش لاقيين حل
انا لاحظت ان فى كتيييييييييييييييييييير (وخصوصاً المغتربات) بيشتكوا انهم مخنوقين ومش لاقيين حل
ولسة حالاً فتوكة مغتربة اشتكت من كدة عشان كدة اتمنى من الادارة انها تعمل نسخة من الموضوع فى قسم المغتربات
ضروووووووووووووووووورى بالله عليكم عشان اكبر كم يستفيد
يلا كل فتوكة هنا تركز معايا
بصى ممكن اقولك على حاجة وتوعدينى انك هتعمليها ؟؟؟؟
ممكن تقومى باليل بعد ماكلهم يناموا تقيمى الليل (( هتقوليلى بقيمه ))
لأ استنى شوية …..
المرادى هتقومى تغيرى هدومك كلها ولو تقدرى تاخدى شاور سريع خدى المهم تبقى نضيفة اوى اوى اوى
وبعدين البسى لبس الصلاة وافرشى السجادة وصلى على قد ماتقدرى
وانتى بتصلى بقى عيطى جامد متحبسيش العياط (ابكى يعنى)
وكمان اهم حاجة اتكلمى مع ربنا بكل حاجة جواكى ((( اقرب مايكون العبد إلى ربه وهو ساجد)))
وانتى عارفة ان فى الوقت اللى قبل الفجر ده ربنا بينزل للسماء الاولى ؟!
يعنى تخيلى بقى انك بتحكى اللى مدايقك لربنا … فكرى كدة ممكن بعد كدة حل مشكلتك دى صعب !!!!!!!!! اكيد ميصعبش على ربنا شئ
متحفظيش ادعية لأ قولى اللى جواكى وادعى باللى نفسك فيه بلهجتك عادى
وبين كل ركعتين تصليهم امسكى المصحف اقرى سورة يس والكهف والبقرة طبعاً .. يعنى اقرى على قد ماتقدرى
صلى واقرى قرآن وادعى
صلى واقرى قرآن وادعى
صلى واقرى قرآن وادعى
لحد ماتحسى انك نعسانة
وبعدين قومى اشطفى وشك وادخلى سريرك
قولى اذكار قبل النوم
والله هتصحى كأنك مغسولة من جوة وتحسى انك خفيفة ونضيفة وزى الفل ومفيش حاجة مدايقاكى بإذن الله
ودى شوية حاجات بقى تعمليهم فى يومك العادى_اذكرى الله دايماً دايماً وانتى بتطبخى وانتى بتروقى داااااااااااااااايماً
_اتعمدى انك تبتسمى والله دى اساس فى علم النفس يعنى ابتسمى لكل حاجة حتى لو حاجة دايقتك ابتسمى حتى لو مخنوقة ابتسمى
_العبى مع عيالك دايماً .. متقوليش دول خنقونى وانا روحت فى زحمة العيال ..لأ… اعتبرى عيالك وسيلة تسلية ومصدر فرحة
_مهم جداً جداً شغلى قرآن فى البيت كل يوم الصبح خاصة سورة البقرة هتحسى كدة ان البيت فيه فرحة
_اعملى يوم رومانسى فى البيت انتى وزوجك يعنى اعملى نور شاعرى وموسيقى هادية وجهزى عشا خفيف او اشتريه جاهز والبسى اكتر حاجة بتحبيها وهو بيحبها
معلش طولت عليكى يافتوكة بس والله شيلى حوار الاكتئاب ده من دماغك تماماً هترتاحى
واخيراً بقى انا كل يوم بإذن الله هفتح الموضوع وكل فتوكة كانت بتعانى من الاكتئاب او الخنقة دى
تيجى وتقولى عملت ايه من اللى اتفقنا عليه
والنتيجة ايه ؟؟ وياترى لسة فى حاجة خنقاها ومش لاقيالها حل ؟؟؟ وإن شاء الله هنفكر سوا لحد ما نوصل لحل
ونغير حياتنا للاحلى بأمر الله
مستنياكوا كلكوا
بحبكم فى الله
lemola beauty lemola beauty فتكات نشيطة Fatakat 687968 Alex – Egept