مساء الخيرات عليكو
امبارح عملت بانية فراخ كان توووووووووووووحفة قليلة عليه
بسييييييييييط وسررررررررريع وطعمه ملوش زيي
ولا تقوليلي بصل ولا توم ولا خل ولاتوم ولا ليمون ولا خل نحن نختلف عن الاخرون
سمعاكي يالي بتقولي صباح الرغي خلصي ياحجة
حاضر براحة بس من غير زق
ودي صورة تشوقية معلش اصلها الحته الي فضلت بئه
وقولت عييييييييب لما انزلكو الموضوع ان شاء الله حتي لو بصورة تحنيس
بصو يابنات هقولكو علي الخلطة السريعة الرهيبة البسيطة بتاعتي
طبعا احنا بنجمد البانية ليلة بالفريزر ونطلعه تاني يوم نحط عليه الخلطة
مش هيقعد في الخلطة دي اكتر 4 ساعات للعلم الراجل كان مقطعهولي تخين شوية
بس ماشاء الله استوت وكانت ملببببببببببببن
السر بتاعي بئه هي علبه زبادي علي 1/2 كيلو بانية
ايووووووووه علبة زبادي بتخلي البانية ولا الملبن والله
وملح وفلفل اسمر ومطحون حبهان ورقتين لورا ومعلقة صغيرة بابريكا وزعتر وبسسسسسسسس
في اسهل من كده بذمتكم طبعا لالالالالا وعلي التلاجة عدل 4 ساعات
الخلطة الي هنحط فيها البانية وقت القلية
انا كان عندي بقسماط طحنته في مطحنة الخلاط وحطيت عليه رشه ملح توم وبصل بودرة ورشه بابريكا وقلبته علي بعضه كويس
وضربت بيضه برشه فلفل اسمر وملح
وطلعت البانية من التلاجة زي الشاطرة وروحت حاطاه واحدة مرة بالبيض وبعد كده علي لبقسماط
وبعد كده علي طاسة القلية والزيت سخن واخلي النار وسط عشان متتحرقش مأخدتش 5 دقايق علي النار واستوت
طبعا عاوزة جنبها بطاطس محمرة وطبق مكرونة وشوية طحينة وكاتشب وسلطة خضرا وطبعا سااااااااقع
وبألف هنا وادعولي بئه
الي يعجبها الموضوع ادعولي دعوة حلوة ومفيش مشكلة لو حابه تقيمي يبقا كتر خيرك
في امان الله مواضيع هذا القسم برعاية
سومه المجنونة سومه المجنونة 964007_9.gif فتكات ست الكل Fatakat 964007 حضن حبايبي سومه&عمرو – ملكوت الله