السلام عليكم و رحمة الله وبركاته
ازيكم يا فتوكات
انا عارفه ان كتير منكم مشتاقين يعرفوا اخبار المعرض
انا روحت النهاردة و لسه راجعه و هلكانه بس قولت احكيلكم عنه قبل ما انام ..
الأول كده للبنات اللى مش عارفه المعرض ده بتاع ايه ؟
ده معرض القاهرة الدولى بيتعمل كل سنة فى نفس المعاد والمكان
من 19 لـ 28 مارس – ارض المعارض بمدينة نصر
و شركات كتير جدا بتشارك فيه بمنتجات اغلبها مستلزمات بيت و مطبخ وأجهزه ومفروشات و ملابس .. الخ
زى تيفال زهران – لومينارك – قطونيل – يانسن – نوفال – الهلال و النجمة – النساجون
و تقريبا كل ماركات الأجهزة الكهربائية وفى كمان مفروشات سورى وتركى ومعرض للأثاث
الميزه فيه ان كل حاجه فى مكان واحد .. فى ناس بتيجي تجهز بناتها مخصوص من المعرض ده ..
بالنسبة للأسعار فمعقوله و فى عروض بالذات على الاجهزة الكهربائية و السجاد .. و انتى و شطارتك برضو فى الفصال
طبعا هتموتوا و تعرفوا انا اشتريت ايه عارفاكوا بتموتوا فى الحاجات دى
بصوا يا حلوين جبت طقم العشا بتاعى لومينارك الموديل ده فرنساوى مش اماراتى
من جناح اسمه قطب هوم
44 قطعة بـ 990 ج غالى انا عارفه .. بس مقارنة بانى كنت سائله على موديل
تانى لومينارك فى عمر افندى 19 قطعة بس و قالولى بـ 800 ج يبقى مش غالى خالص ههههههههه
و جبت مفرش الفرح بتاعى تركى ستان ابيض مودرن جدا و فيه تطريز سيمبل
من المعرض السورى .. الراجل قالنا بـ 1200 خدناه بألف
و جبت طقم مفرش رانر للسفرة اسود فى سيلفر بـ300 ج بعد الفصال 26 قطعة
من عند السوريين برضو
و جبت طقم صوانى نازل جديد من زهران هو خشب و متغطى بطبقة جلد تحافظ عليه
3 قطع بـ 144 ج
و جبت طقم سكاكين ستانلس بالحامل بـ250 ج زى ده
باركولى بقى وقولوا يارب ربنا يرزق كل البنات بأزواج صالحين
و يقدرهم على مصاريف الجهاز
و أى سؤال تحت أمركم
ko.0k ko.0k images/avatars/cartoony.gif فتكات ست الكل Fatakat 176398 كايرو – مصر