بسم الله الرحمن الرحيم
السلام عليكم و رحمة الله و بركاته
اللهم صل و سلم و بارك على سيدنا محمد
حبيباتى غدانا النهاردة اكلة انا بحبها اوى انا و زوجى اسمها
بامية ويكا بس مش عارفة فى ناس كتير متعرفهاش ليه دى اكلة حلوة اوى و فى ناس كتير بتحط عليها طماطم لكن انا بحبها كدة من غير طماطم
و بيكون طعمها تحفة و بتعجب زوجى جدااااااااااااااااااااااا
المقاديـــــــــــــــــــــــــــــــــــــــــــ ــــــــر
نص كيلو بامية طويلة مش بامية بتاعة الطبيخ
فراخ
توم
سمنة
ملح و فلفل اسمر و توابل و بهارات
الطريـــــــــــــــــــــــــــــــــــــــــــــ ـــقة
اول حاجة نقطع الفراخ و نغسلها كويس اوى و نشيل الجلد و بعدين نسلق الفراخ و بعد ما تتسلق ناخد الشوربة و نخليها على جنب لاننا حنسوى فيها البامية
نغسل البامية كويس و نسيبها تنشف من المية
هى دى البامية الطويلة و فى كمان اطول منها
هنا الباميا قطعتها ترنشات و اقماع الباميا اهيه طلعناها على جنب
هنا الباميا كلها متقطعة
و هنا الفراخ بعد ما اتسلقت جبت توم و ملح و فلفل اسمر و تبلت بيها الفراخ و حطيتها فى صينية و دخلتها الفرن
هنا بقى دى شوربة الفراخ بعد ما غليت نزلت فيها البامية و حطيت ملح و فلفل اسمر و بهارات و توابل
و هنا و هى بتغلى
هنا الشوربة قلت شوية بس الباميا مش استوت اوى نزود شوية شوربة كمان او شوية مية المهم منخلهاش تنشف
و هنا الباميا استوت اوووووووووووى امسكيها حتلاقيها بتدوب فى ايدك كدة تعرفى انها استوت اوى و بعدين سبيها تبرد
و بعد ما بردت نضربها بالمضرب الكهربائى كويس اووووووووووووووووووى لغاية لما تدوب
شايفين هنا الباميا دابت خالص
و هنا حطينا التوم و فيه ملعتين سمنة و حمرناه
و بعد التوم ما اتحمر ننزل بي على الباميا و شمى بقى احلى ريحة تجننننننننننننننننننننننننننننننننن
و نقلب كويس التوم مع الباميا و نسيبهم يغلوا شوية صغيرين
و هنا الباميا خلصت و غرفت و ريحتها قلبة الشقة
و دة طبق تانى و الله يا بنات طعمها رائع و تحفة
و دى الفراخ المتبلة بالتوم طلعناها من الفرن بعد ما اتحمرت ممممممممممممممممم روعة
و طبعا قدمت معاها حبيب قلبى الباذنجان المخلل
اتمنى يكون الموضوع عجبكم جربوها يا فتوكات و الله حتعجبكم جداااااااااااااااااااااااا و اهو تغيييير لانى زهقت من الطبيخ اللى بصلصة
لو عجبكم الموضوع ادعوا لى ربنا يحفظ لى زوجى من كل سوء
و يرزقنا الذرية الصالحة المعافاة مواضيع هذا القسم برعاية
ام يوسف الغالى ام يوسف الغالى 388371_16.gif برنسيسة فتكات Fatakat 388371 الاسكندرية عروس البحر الابيض المتوسط – مصر ام الدنيا و افتخر