كتير مننا عايزين يعملو رجيم وعايزين حاجه تملي المعده
ومفيش احسن من الفشار للمهمه دي
بس يكون فشار من غير سمنه ولا زيت
طبق الفشار من غير سمنه ولا زيت بيعمل 17 سعر حراري فقط
اقل من الخيار وربنا
وبيملي المعده
وفيه ابحاث اثبتت ان الفشار يشعر الانسان بالسعاده ومضاد للأكتئاب
المهم عشان نقدر نعمله من غير سمنه او زيت لااااااااااازم ميكرويف
والفشار في الميكرويف مبينفعش في اي اواني علي فكره مش بيفرقع كله وممكن يكسر البايركس او الصيني
وفكرتي خدتها من اكياس الفشار الورقيه اللي بتتباع في السوبر ماركت
اكياس ورق كده جواها الفيشار بنحطها في الميكرويف تخرج مليانه فيشار
بس غاليه جدا
3 اكياس تقريبا ب 20 ج
ليه يعني
فانا عملت البديل
هنحتاج ورقه فلوسكاب مجوز او اي ورق في نفس الحجم
وطبعا دره فشار ب 2 ج مثلا هيقعد كتيييييير جدا
وادي الورقه
وبعد كده نعملها قرطاس كبير واكيد كلكم بتعرفوا تعملوا قراطيس
ونحط جواه 3 معالق كبار دره فيشار ونحاول نكعمشه من فوق ونقفله بس نخليه واسع ومهوي عشان ياخد الفيشار بعد ما يكبر
معلش القرطاس بتاعي عنده شلل شويه
وعلي فكره القرطاس ده ممكن تستخدميه مليوووووووووون مره
وتحطيه في الميكرويف علي 2 دقيقه
هيطلع مليان اوي كده والقرطاس مش هيفرقع ولا حاجه
وفضيته في طبق كبير كان مليان علي اخره وملحته
وضربته
بس خلاص
doda admm doda admm 613627_3.gif سوبر فتكات Fatakat 613627 القاهرة – مصر