السلام عليكم ورحمه الله وبركاته
أنا عضوة جديدة معاكم وبجد المدونة حلو جدا وانتم ما شاء الله عليكم بتفيدوا أى حد محتاجلكم ربنا يبارك فيكم
أنا حكتب وصفتى وهى عبارة عن صينية رز باللحمة المفرومة والبسلة والبشامل , أكيد فى ممكن كتير عارفينها بس قلت أنزلها ممكن حد ميعرفهاش وحنزلها بالصور
أول حاجة بنعصج اللحمة وأنا هنا حطيت عليها قطع طماطم وفلفل وجزر بتدى طعم حلو
وبسلق بسلة وأخليها على جنب
وبعمل رز أبيض عادى جدا وأفرد نصه فى صنية
وبعدين أحط اللحمة المفرومة والبسلة وأوزعها كويس
وأعمل البشاميل وأفرده فوق الرز
وآخر حاجة رشيت على الوش جبنة شيدر وتركى
وعملت جنبها كلو سلو
ودى صورتها بعد أما خرجت من الفرن
يارب تكون عجبتكم وجزاكم الله خيرا ودعواتكم بصلاح الحال والهداية لزوجى وابنى
ملحوظة ياريت يجماعة لما تيجو تقطعوها تستنوا عليها لما تطلع من الفرن تبرد شوية عشان تطلع معاكم مربعات ومتتبهدلش
مواضيع هذا القسم برعاية
♥هبه من الله♥ ♥هبه من الله♥ 592383_1.gif فتكات نشيطة Fatakat 592383 مصر – مصر