الحمد لله احنا عملنا الجزء الاول والكل تقريبا اتعود على الريجيم
بس لقيت فى الفترة الاخيرة ان العزيمه والارادة بدات تقل فقلت تعملى ايه يا لولو عشان العزيمه ترجع تانى ؟؟؟؟؟؟؟؟؟؟؟؟؟؟؟؟؟؟؟؟
لقتنى النهاردة ببص فى صورة قديمه من 3 او 4 سنين لقيت فى اختلاف بس من جوايا قولت ليه وصليتى للكدة طيب انتى تقدرى تكونى كدة دلوقتى
كمان الناس اللى متجوزة زى حالاتى انتى وانا مهم جدا اننا نهتم لان احنا اهم حاجا عندنا ازوجنا طيب ليه مابقاش شكلنا حلو جسمك حلو ليه تتعدى الفرصه لجوزك انه يبص برة طيب ماانا ابقى حلوة شكلا وجسم
اولا : لازم تجددى عزيمتك وتخلى من جواكى انك لازم تخسى يعنى ممكن نجيب هدوم من القديمه بتاعتنا ونقول اننا لازم نلبسها يعنى حاجا تكون عزيزة علينا
ثانيا:حددى وقت معين توصلى فيه للوزن اللى انتى عايزة بص فقد الوزن بشكل صحى
ثالثاً:تخلى الهدوم الصغيرة دى ادامك على طول وكل فترة قيسها عشان تحسى انك مبسوطه وتتشجعى
وطبعاًانا عايزة اعيش صح واكل عادى بس يبقى عندى كنترول
يعنى مش لازم دايت بشكل معين او اسم معين يعنى مش دايت السعرات والكيمائى عايزة نعمل رجيمنا لنفسنا يعنى نحدد اد ايه نشويات ودهون بروتين يعنى مش لازم ابدا نكلف نفسنا ونضغط على البيت ونعمل ميزانيه لاكل الدايت ودا اللى بيخلى معظمنا يبطل الدايت
اولا : نظام الاكل
يعنى الفطار يبقى الصبح قبل الفطار بنص ساعه المشروب الحارق
والفطار بقى ربع رغيف ومعاه مشروبك المفضل واى بروتين
والغدا يبقى نشويات عيش نص رغيف او 4 رز او 4 مكرونه +البروتين+الخضار "سلطهاو خضار مطبوخ نى فى نى"وبردو قبله المشروب الحارق بنص ساعه
والعشا زبادى وفاكهه اخر معاد ليه الساعه9 مهماكنتى بتامى بدرى ولا متاخر
تانى حاجا :
هنثبت يوم من كل اسبوع للوزن مش هيتغير
ثالت حاجا :
هنكنت حبه عوامل هتساعدنا اننا نخس وهى المشروبات الحارقه ودى هشرحها بالتفصيل
رابعا المياة عايزة 3 لتر فى اليوم
خامسا :
الرياضه ودى كتير مننا هيقولى احنا مش هنقدر نكمل فيها بعد كدة هقولك على حاجا احنا بردو نتعود على نوع سهل مش محتاج ولا وقت ولا جهد وهيبقى شى عادى فى حياتك
ومش هننسىهنجيب طبق مش كبير ومش هنغيرة ابدا هاتى طبق بلاستيك عشان محدش يقولى اصله اتكسر
ودى حبه ارشادات حلووة اووووووى
لنشويات اى كانت لو رز او مكرونه 4 ملاعق لو عيش نص رغيف ولو محشى 8-9 صوابع ولو مكرونه بشاميل قطعه اد نص كف الايد ولو جلاش باللحمه المفرومه يبقى قطعه واحدة بس ولو كشرى 5 ملاعق
الخضار اى كميه لو نى فى نى لو متسبك حطيه فى التلاجه وشيلى طبقه الدهون اللى هتبقى على الوش وكلى براحتك
الفراخ ربع واللحمه قطعه والسمك واحد متوسطه ولول توته علبه مصفاه ولو بيض يبقى 2 بيضه
السلطه براحتك بس بطمطميه واحدة
الفاكهه بعد الاكل بساعه ماعدا الموز والبلح والمانجا والتين ممكن تاكيلها او تعمليها عصير بدون سكر
الحلويات ناكل كلها بس قطعه صغيرة جدا اد عقلتين الصوابع
اى مشروب بسكر دايت ولو تقدرى من غير سكر تمام
المشروبات
* معلقه كمون ونص قرفه وربع جنزبيل ونص لمون منقوع من بالليل للصبح اعملى كميه ل3 كويات يعنى المقادير دى فى 3
نشربه قبل الاكل بنص ساعه
-هيسد نفسك
-هيعلى المناعه
-هينظف المعدة
*الشاى الاخضر بعد الاكل بساعه كوبايه والصبح على الريق كوبايه ومعاه ومعلقه عسل
* حبوب الخميرة تحفه
قبل الاكل بنص ساعه حبيتين
-بتصفى الجسم والبشرة
-تفتح الخدود وتوردها
-فيتامين B1.B2
فوائد للجهاز العصبى
دى حبه قوانين
*قبل كل شى لازم الالتزام فى العبادات مسيحى مسلم لازم نتلزم وهنعمل عليها 10 درجات لو الفرض اتصلى حاضر تاخد 2 درجه على كل فرض ولو قضى تاخد درجه
* تانى حاجه الفطار والغدا والعشا على كل حاجا درجتين
*سناكس ودى يا اما فاكهه او اى حته حلويات قد عقلتين الصباععليهم 3 درجات
*الرياضه نتصرف يا اما نمشى يا اما نرقص عليه درجتنين
* التجمع كل يوم لمدة ساعتين واللى هتدخل بعد المعاد هتتاخد غياب نكتب اثبات حضور ثم التقرير من الساعه10 الى 12 الحضور عليه درجه
*الاهتمام بنفسنا ودا هنزله جدول كل يوم نعمل ايه بالضبط ودى عليها درجتين
كدة مجموع اليوم 24 درجه
*الميزان ثابت الخميس
*الحمعه ممكن وجبه فرى مش طول اليوم
*اتوماتيك لو عكتيى متتعيش
*لو عكتى مرتين فى الاسبوع متاخديش الفرى
احنا ادلعنا كتير لازم نلتزم بقى
ودا جدول الاهتمام
اولا فى روتين يومى بمعنى كل يوم يتعمل ثابت
الوجه صباحا ومساء نستخدم غسولنا اللى انتى بتترحله ثم مياة ورد ثم كريم مرطب ولو بنشتغل العازل قبل ما ننزل
شفايف الشتى جاى وفى حاجا بتشقق مش عايزنها ودى فى زبدة الكاكاو الامندا حلو واللابلو حلو جدا
الايدين سنفرة كل يوم قبل النوم حبه ملح وندعك بيهم الايد وهى مبلوله وبعد كريم مرطب ولو بخرج الصبح العازل على الايدين بردو
الرجلين بالحجر الطبى مرتين فى اليوم او مع كل وضوء هتبقى زى الفل وفل ما ننام حبه كريم مرطب تقيل زى الجليسوليد او فازلين وعليها شراب لحد الصبح
الكلام دا كل يوم غير طبعا الكوع والركبه وغيرها كريمات تفتيح متخصصه ليها
اما الاسبوعى يوم نعمل حمام مغربى واللى عايزة الطرريقه تقولى بيخلى جسمك تحفه ناعم
2 يوم حمام زيت للشعر من غير فوطه سخنه حبه زيت خروع على زيت توم ونلف طرح نبويه الشغاله واعملى شغل البيت وخلصى وادخلى استحمى
3 يوم باديكبر للقدم والى عايزة تقوللى
4 يوم باديكير لليدين ودا سهل اوووووى
5-6 يوم يعنى مرتين فى الاسبوع ماسك ترطيب وواحد تانى تفتيح
كدة دا الاسبوع
hala gaafar hala gaafar 769656_4.gif فتكات هايلة Fatakat 769656 cairo – egypt