انا الحمد لله ولدت طبيعي وانا صاحبة موضوع اخد حقن الابيديورال ف الولادة التاني ولا لاء هحكيلكو ع اللي حصل بالظبط عشان اللي لسة ماولدوش ياخدو خلفية من خبرات السابقين وعقبالكو جميعا
دي ولادتي التانية وكنت خايفة جدا من وجع الطلق واللي حصلي ف ولادتي الاولي عشان تعبت جدا من المحلول اللي بيعلقوة اثناء الطلق لدرجة اني كنت بقفل الكانيولا من وراهم والدكتورة زعقتلي
صحابي نصحوني اخد حقنة الضهر دي وانا كنت خايفة اخدها ممكن تشوفو موضوعي اللي قبل الولادة ..
المهم انا مشيت ليلة الولادة عشان اولد بقي و لما روحت كنت خلالالاص تعبت جدا وقبل مانام بليل جالي وجع متصل مش طلق بعدين ريحت ع السرير ونمت الساعة 3 الفجر صحيت الساعة سبعة الصبح ع وجع خفيف بيروح وييجي كل فترة قصيرة جدا بتاع خمس دقايق وبعد كدة بقي 3 دقايق بس ضعيف بردو بما اني خبرة ودي تاني ولادة عرفت ان دة طلق مش تفاسيح زي ما بيقولو لان الوجع بيروح وويجي كل شوية كلمت الدكتورة قالتلي تعالي ع المستشفي وانا كنت عايزة اروح ع الولادة فخفت جدا المهم قعدت لغاية 11.30 فالبيت بس الالم بقي غير محتمل كلمت الدكتورة تاني وقولتلها انا قررت اخد الابيديورال قالتلي اوك وصلت المستشفي و هي بتتصل بدكتور التخدير عشان ييجي يديني الحقنة مابيردش وبعدها بساعة رد وقالها انا ف عملية ومش هاقدر اجي قبل ساعتين طيب انا اعمل اية بقي كنت هعيط الدكتورة ساعتها ماكانتش وصلت وانا مارضتش اعلق الطلق الصناعي دة المهم جت عشان تبص ع الدنيا لقتها ولادة الحمد لله ومالحقتش تعلق المحلول الحمد لله ودخلت ع الولادة الساعة كانت 1.30 يعني كلة كان طلق طبيعي الحمد لله ارحم من اللي بيدوة دة واللي ولدت قبل كدة فاهمة بيعمل اية
و اكتر حاجة مؤلمة جدا جدا كانت ساعة خروج الراس كنت هموت مش عارفة لية مع ان فالولادة الاولانية ماحستش نهائي بخروجها … وطلع النونو وطلع نسخة من اخوة حتي حسيت ان الفيلم بيتكرر تاني ههههههه
وربنا يكرمكم كلكو ان شاء الله و تقومو بالسلامة
nonasmall nonasmall 500036_3.gif ممنوعة من المشاركة Fatakat 500036 القاهرة – مصر
سبحان الله و بحمده