يا بنات انا عايزة اعرف اعراض الحمل خارج الرحم ان حسيت باعراض غريبة و دورت فى النت و لقيت حاجات شبه اللى بتحصلى فا عايزة اطمن
انا سمعت انه بيحصل بعد العمليات و انا من شهرين عاملة عملية كحت بعد الاجهاض و ان الهرمون بيبقى ضعيف و حللت قبل البريود ب حوالى 6 ايام و طلع سلبى تحليل دم عادى و حللت منزلى قبلها ب 5 ايام و سلبى بردو مع ان ناس كتير بيبان معاها بدرى و انا منهم و بان معايا قبل كدة بدرى
و حاسة بنغز و وجع ناحية المبيض اليمين و على خفيف فى ظهرى من ناحية اليمين بردو و اوقات بسيطة اوى نغز فى الشمال و النص بس بيجى ثوانى و يروح لكن بتاع اليمين مستمر بالساعات و بالذات اول ما اصحى و بليل قبل النوم و لما بقف كتير و اعمل مجهود فى البيت هو مش وجع جامد اوى يعنى بس احساس بحاجة مضيقانى مش طبيعية و نغز كدة وبيزيد مع قرب البريود
انا قبل البريود عمر ما كان بيحصلى كدة النغز ناحية المبيض ده بيكون وقت التبويض بس و قبل البريود بيكون زى مغص بيروح و يجى كدة فى النص مش على الجناب
و حملى قبل كدة كان المغص زى البريود بالظبط بس على اشد شوية يعنى فى النص و الظهر مش على الجناب خالص و المرة دى صدرى مش واجعنى خالص ولا ظهرى هو ناحية المبيض اليمين بس
فا انا مش عارفة ده ايه اول مرة يجيلى وجع فى الجنب كدة هى فاضل عليها 3 او 4 ايام ساعات بتقدم او تأخر يوم
اعمل تحليل رقمى و اعيده كمان يومين ولا ايه مش عارفة؟ و لو روحت للدكتورة دلوقتى مش هتعملى حاجة انا ممكن اطلع مفيش حمل اصلا و كدة كدة ميعاد البريود مجاش يعنى مش هتشوف حاجة بالسونار
فيدونى اعمل ايه عشان قلقانة
بس متقولوش عليا مجنونة و ايه اللى انا بقوله ده و انا مش عارفة انا حامل اصلا ولا لا انا كل اللى جاب الموضوع ده فى بالى نغز المبيض ده لان عمره ما حصلى لا فى حمل و لا قبل بريود بيجى يوم التبويض بسسس
sasso1991 sasso1991 فتكات رائعة Fatakat 840027 الاسكندرية – القاهرة